ഒറ്റനാളിൽ സമ്പന്നരായി ഈ മത്സ്യത്തൊഴിലാളികൾ; 157 മീനുകൾ വിറ്റത്​ 1.33 കോടിക്ക്​

മുംബൈ: മത്സ്യബന്ധനത്തിന്​ മാസങ്ങളുടെ വില​െക്കാഴിഞ്ഞ്​ വീണ്ടും കടലിൽ പോകു​േമ്പാൾ ചന്ദ്രകാന്ത്​ താരെക്കും കൂടെപോയ എട്ടുപേർക്കും അന്നത്തെ അഷ്​ടി ഒക്കുമെന്നേ മനസ്സിലുണ്ടായിരുന്നുള്ളൂ. അതെങ്കിലും തരപ്പെട്ടാലായെന്ന പ്രതീക്ഷ പൂവണിഞ്ഞത്​ പക്ഷേ, സ്വപ്​നങ്ങൾക്കുമപ്പുറത്തെ വലിയ ​ചാകരയായി. ആഗസ്റ്റ്​ 28നായിരുന്നു ഹർബ ദേവി ബോട്ടിലേറി ഇവർ പുറപ്പെടുന്നത്​. 25 നോട്ടിക്കൽ മൈൽ വരെ അകലെയെത്തി​ വലയെറിഞ്ഞു​. എടുത്തു​േനാക്കിയപ്പോൾ ശരിക്കും ഞെട്ടി. വല നിറയെ കടൽ സ്വർണമെന്നു പേരുള്ള 'ഘോൽ' മത്സ്യങ്ങൾ. മരുന്ന്, സൗന്ദര്യവർധക വസ്​തു​ നിർമാണത്തിൽ ഉപയോഗിക്കാറുള്ള അപൂർവ ഇനം മീനുകൾ 157 എണ്ണം. ഹോങ്​കോങ്​, മലേഷ്യ, തായ്​ലൻഡ്​, സിംഗപൂർ, ജപ്പാൻ തുടങ്ങിയ രാജ്യങ്ങളിലേക്ക്​ കയറ്റിപ്പോകുന്നവയായതിനാൽ വിപണിയിൽ വൻ വിലയാണിവക്ക്​.

മുംബൈ പാൽഘറിലെ മുർബെ മാർക്കറ്റിൽ വിൽപനക്കെത്തിയപ്പോൾ യു.പി, ബിഹാർ സംസ്​ഥാനങ്ങളിൽനിന്നുള്ള വ്യാപാരികൾ ഇവ വാങ്ങിയത്​ 1.33 കോടിക്ക്​. ഒരിക്കലും പ്രതീക്ഷിക്കാത്ത കൊയ്​ത്തിൽ സമ്പന്നനായതിന്‍റെ സന്തോഷത്തിലാണ്​ മത്സ്യത്തൊഴിലാളികൾ.

കടലിലും മലിനീകരണമെത്തിയതോടെ അപൂർവമായി മാത്രം ലഭിക്കാറുള്ള മത്സ്യം ഇത്ര കൂടുതൽ ലഭിച്ചതാണ്​ താരെക്കും കൂടെ പോയവർക്കും ലാഭപ്പെയ്​ത്തായത്​.