Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബംഗാളിൽ പശു മോഷണം...

ബംഗാളിൽ പശു മോഷണം ആരോപിച്ച്​ രണ്ടുപേരെ ആൾക്കൂട്ടം തല്ലിക്കൊന്നു

text_fields
bookmark_border
ബംഗാളിൽ പശു മോഷണം ആരോപിച്ച്​  രണ്ടുപേരെ ആൾക്കൂട്ടം തല്ലിക്കൊന്നു
cancel

കൊൽക്കത്ത: പശ്​ചിമ ബംഗാളിലെ കൂച്ച്​ബിഹാർ ജില്ലയിൽ പശു മോഷണം ആരോപിച്ച്​ രണ്ട്​ യുവാക്കളെ ആൾക്കൂട്ടം തല്ലി ക്കൊന്നു. സംഭവവുമായി ബന്ധപ്പെട്ട്​ 14 പേരെ അറസ്​റ്റ്​ ചെയ്​തതായി പൊലീസ്​ അറിയിച്ചു. വ്യാഴാഴ്​ച മാതബംഗ പ്രദേ ശത്താണ്​ റബീഉൽ ഇസ്​ലാം, പ്രകാശ്​ ദാസ്​ എന്നിവർ ആൾക്കൂട്ട ആക്രമണത്തിന്​ ഇരയായത്​.

പിക്​ അപ്​ വാനിൽ രണ്ട്​ പശുക്കളുമായി പോകുകയായിരുന്ന ഇവരെ പ്രദേശവാസികൾ തടയുകയായിരുന്നു. കഴിഞ്ഞ ദിവസം ഈ പ്രദേശത്തുനിന്ന്​ ഇരുവരും മോഷ്​ടിച്ച പ​ശുക്കളാണ്​ ഇവയെന്നും കാലിക്കടത്തുകാർക്ക്​ കൈമാറാൻ കൊണ്ടുപോകുകയാണെന്നും ആരോപിച്ചായിരുന്നു ഇത്​. പശുക്കളെ വാനിൽ നിന്നും ഇറക്കിയ ആൾക്കൂട്ടം ഇരുവരെയും കല്ലും കമ്പിയും ഉപയോഗിച്ച്​ ക്രൂരമായി മർദിക്കുകയായിരുന്നു.

വാൻ തീവെച്ച്​ നശിപ്പിക്കുകയും ചെയ്​തു. ഗുരുതരമായി പരിക്കേറ്റ ഇവരെ പൊലീസെത്തി കൂച്ച്​ബിഹാർ മെഡിക്കൽ കോളജിലേക്ക്​ കൊണ്ടുപോയെങ്കിലും വഴിമധ്യേ മരിച്ചു. അന്വേഷണം പുരോഗമിക്കുകയാണെന്നും പശുക്കൾ ആരുടേതാണെന്ന്​ കണ്ടെത്താനായിട്ടില്ലെന്നും പൊലീസ്​ അറിയിച്ചു.
ആൾക്കൂട്ട ആക്രമണ കേസിൽ പ്രതികളാകുന്നവർക്ക്​ ജീവപര്യന്തം തടവും അഞ്ചുലക്ഷം രൂപ വരെ പിഴയും ലഭിക്കുന്ന ബിൽ ഈ വർഷം ബംഗാൾ നിയമസഭ പാസാക്കിയിരുന്നു. ഗവർണറുടെ അനുമതി ലഭിക്കുന്നതോടെ ഇത്​ നിയമമാകും.

Show Full Article
TAGS:mob lynching bengal 
News Summary - West Bengal: Two Lynched Over Suspicion of Cattle Theft-India
Next Story