Begin typing your search above and press return to search.
proflie-avatar
Login
exit_to_app
exit_to_app
mamata banerjee and Naredra modi
cancel
Homechevron_rightNewschevron_rightIndiachevron_rightവാക്​സിൻ...

വാക്​സിൻ സർട്ടിഫിക്കറ്റിൽനിന്ന്​ മോദിയുടെ ചിത്രം ഒഴിവാക്കി ബംഗാളും; പകരം മമതയുടെ ചിത്രം

text_fields
bookmark_border

ന്യൂഡൽഹി: ഛത്തീസ്​ഗഡിന്​ പിന്നാലെ കോവിഡ്​ വാക്​സിൻ സർട്ടിഫിക്കറ്റിൽനിന്ന്​ പ്രധാനമന്ത്രി ​നരേന്ദ്രമോദിയുടെ ചിത്രം ഒഴിവാക്കി പശ്ചിമബംഗാളും. മുഖ്യമന്ത്രി മമത ബാനർജിയുടെ ചിത്രം പതിച്ച സർട്ടിഫിക്കറ്റായിരിക്കും പകരം വിതരണം ചെയ്യുക.

സംസ്​ഥാനങ്ങൾ പണം നൽകി വാക്​സിൻ വാങ്ങുന്നതിനാലാണ്​ മോദിയുടെ ചി​ത്രം ഒഴിവാക്കാൻ തീരുമാനിച്ചതെന്നാണ്​ വിവരം. മൂന്നാംഘട്ടത്തിൽ വാക്​സിൻ സ്വീകരിക്കുന്നവർക്ക്​ മാത്രമാണ്​ മമതയുടെ ചിത്രം പതിച്ച സർട്ടിഫിക്കറ്റ്​ നൽകുക. മൂന്നാംഘട്ടത്തിൽ വാക്​സിൻ നൽകുന്നത്​ 18നും 44നും ഇടയിൽ പ്രായമുള്ളവർക്കായിരിക്കും.

കോൺഗ്രസ്​ ഭരിക്കുന്ന ഛത്തീസ്​ഗഡിൽ നേരത്തേ കോവിഡ്​ വാക്​സിൻ സർട്ടിഫിക്കറ്റിൽനിന്ന്​ മോദിയുടെ ചിത്രം ഒഴിവാക്കിയിരുന്നു. മുഖ്യമന്ത്രി ഭൂപേഷ്​ ബാഗലിന്‍റെ ചിത്രം പതിച്ച സർട്ടിഫിക്കറ്റാണ്​ പകരം നൽകുന്നത്​. വാക്​സിൻ വിതരണത്തിൽനിന്ന്​ കേന്ദ്രം പിന്മാറിയ സാഹചര്യത്തിലാണ്​ പ്രധാനമന്ത്രിയ​ുടെ ചിത്രം മാറ്റുന്നതെന്ന്​ ഛത്തീസ്​ഗഡ്​ ആരോഗ്യമന്ത്രി പറഞ്ഞിരുന്നു.

ബംഗാൾ നിയമസഭ തെരഞ്ഞെടുപ്പ്​ സമയത്ത്​ മോദിയുടെ ചിത്രം പതിച്ച വാക്​സിൻ സർട്ടിഫിക്കറ്റ്​ നൽകുന്നതിനെതിരെ തൃണമൂൽ കോൺഗ്രസ്​ തെരഞ്ഞെടുപ്പ്​ കമീഷനെ സമീപിച്ചിരുന്നു. തെരഞ്ഞെടുപ്പ്​ പെരുമാറ്റച്ചട്ടം ലംഘിക്കുന്നുവെന്നായിരുന്നു പരാതി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Mamata BanerjeeWest BengalTrinamool CongressCovid vaccine certificateBJP
News Summary - West Bengal new Covid 19 vaccine certificates with CM Mamata Banerjee's photo instead of PM Modi’s
Next Story