Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightപെട്രോളിനും ഡീസലിനും...

പെട്രോളിനും ഡീസലിനും ബംഗാൾ ഒരുരൂപ കുറച്ചു; കേരളം കുറക്കില്ലെന്ന്​ തോമസ്​ ഐസക്​​

text_fields
bookmark_border
പെട്രോളിനും ഡീസലിനും ബംഗാൾ ഒരുരൂപ കുറച്ചു; കേരളം കുറക്കില്ലെന്ന്​ തോമസ്​ ഐസക്​​
cancel

കൊൽക്കത്ത: പശ്ചിമ ബംഗാളിൽ പെട്രോളിനും ഡീസലിനും ലിറ്ററിന്​ ഒരു രൂപ വീതം നികുതി കുറച്ചു.​ ഇന്ധനവില കുതിച്ചുയരു​േമ്പാൾ ജനങ്ങൾക്ക്​ നേരിയ ആശ്വാസം നൽകുന്നതിനാണ്​ നടപടിയെന്ന്​ സംസ്​ഥാന ധനമന്ത്രി അമിത്​ മിത്ര പറഞ്ഞു. ഇന്ന്​ അർധരാത്രി മുതൽ വിലക്കുറവ്​ ബാധകമാകുമെന്ന് അദ്ദേഹം പറഞ്ഞു.

'ഒരു ലിറ്റർ പെട്രോളിന്മേൽ​ 32.90 രൂപയാണ്​ കേന്ദ്രത്തിന്​ നികുതിയായി കിട്ടുന്നത്​. സംസ്​ഥാനത്തിന്​ 18.46 രൂപയും. ഡീസൽ ലിറ്ററിന്മേൽ​ കേന്ദ്രത്തിന്​ 31.80 രൂപ കിട്ടു​േമ്പാൾ സംസ്​ഥാനത്തിന്​ 12.77 രൂപയും ലഭിക്കുന്നു. ഇന്ധനവിലയിൽ കേന്ദ്രം ചുമത്തുന്ന സെസ്​ ഫെഡറൽ തത്ത്വങ്ങൾ​െക്കതിരാണ്'' -മിത്ര പറഞ്ഞു.

അതേസമയം, സംസ്ഥാന ഖജനാവ്​ രൂക്ഷമായ പ്രതിസന്ധി നേരിടുകയാണെന്നും കേരളം ഇന്ധന നികുതി കുറയ്ക്കി​ല്ലെന്നും ധനമന്ത്രി തോമസ് ഐസക് ഞായറാഴ്ച വ്യക്​തമാക്കിയിരുന്നു. വിലനിയന്ത്രിക്കാൻ തയാറാകാത്ത കേന്ദ്രനിലപാടിനെതിരേ ശക്തമായ സമരം വേണമെന്നും മന്ത്രി പറഞ്ഞു. പെട്രോൾ, ഡീസൽ വില കുറക്കാൻ സംസ്​ഥാനവും കേന്ദ്രവും ചേർന്ന്​ നികുതി കുറക്കുന്നത്​ ചർച്ച ചെയ്യണമെന്ന്​ കഴിഞ്ഞ ദിവസം കേന്ദ്ര ധനമന്ത്രി നിർമല സീതാരാമൻ അഭിപ്രായപ്പെട്ടതിന്​ മറുപടിയായാണ്​ ഐസകിന്‍റെ പ്രതികരണം.

''നിലവില്‍ സംസ്ഥാനത്തിന്‍റെ സാമ്പത്തിക സ്ഥിതി മോശമാണ്. ഖജനാവ്​ രൂക്ഷമായ പ്രതിസന്ധി നേരിടുകയാണ്​. അത്​കൊണ്ട്​ നികുതി കുറക്കണമെന്ന ചിന്ത ഇപ്പോഴില്ല. കേരള സര്‍ക്കാര്‍ ഇതുവരെ ഒരു ഇന്ധന നികുതിയും വര്‍ധിപ്പിച്ചിട്ടില്ല. നികുതി വര്‍ധിപ്പിച്ചത് കേന്ദ്രസര്‍ക്കാരാണ്. വില വര്‍ധനവിന്‍റെ ഉത്തരവാദി കേന്ദ്രമാണ്. അത് അവര്‍ തന്നെ ഏറ്റെടുത്തേ തീരൂ. നിർമല സീതാരാമൻ ആദ്യമായിട്ടാണ്​ ഇ​ങ്ങനെ പറയുന്നത്​. നികുതി ജി.എസ്​.ടിയിലേക്ക്​ മാറ്റുന്നതിന്​ സംസ്​ഥാനത്തിന്​ എതിർപ്പില്ല. പക്ഷേ, അഞ്ചുവർ​ഷത്തേക്ക്​ നഷ്​ടപരിഹാരം നൽകണം'' -മ​ന്ത്രി പറഞ്ഞു.

ഒഴികഴിവ്​ പറയാതെ ഇന്ധന വിലകുറക്കണം -​ സോണിയ ഗാന്ധി

ഒഴികഴിവ്​ പറയാൻ നിൽക്കാതെ ഇന്ധന വിലകുറക്കണമെന്ന്​ ആവശ്യപ്പെട്ട്​ കോൺഗ്രസ് അധ്യക്ഷ സോണിയ ഗാന്ധി പ്രധാനമന്ത്രി നരേന്ദ്ര മോദിക്ക് കത്തെഴുതിയിരുന്നു. ജനങ്ങളുടെ ദുരിതത്തിൽ നിന്ന്​ സർക്കാർ ലാഭമുണ്ടാക്കുകയാണെന്നും​ അവർ കുറ്റപ്പെടുത്തി.

"ഇന്ധന വില എക്കാലത്തെയും ഉയർന്ന നിരക്കിലാണ്​. രാജ്യത്തിന്‍റെ പല ഭാഗങ്ങളിലും പെട്രോൾ ലിറ്ററിന് 100 രൂപ കവിഞ്ഞു. ഡീസൽ വില കുതിച്ചുയരുന്നത് ദശലക്ഷക്കണക്കിന് കർഷകരുടെ കൂടുതൽ ദുരിതത്തിലാക്കി. ക്രൂഡ്​ ഓയിലിന്​ അന്താരാഷ്ട്ര വിപണിയിൽ സാധാരണ വില ആയിരിക്കെയാണ്​ ഇന്ത്യയിൽ ഇന്ധന വില വർധിപ്പിക്കുന്നത്​'' -കത്തിൽ ചൂണ്ടിക്കാട്ടി.

പെട്രോളിന്‍റെയും ഡീസലിന്‍റെയും വില തുടർച്ചയായി 12 ദിവസമാണ്​ വർധിപ്പിച്ചത്​. അന്താരാഷ്ട്ര എണ്ണവില കുറഞ്ഞപ്പോൾ ​േകന്ദ്രസർക്കാർ കഴിഞ്ഞ വർഷം പെട്രോൾ, ഡീസൽ തീരുവ മൂന്നിരട്ടിയോളം വർധിപ്പിച്ചിരുന്നു. വില റോക്കറ്റ്​ കണക്കെ കുതിച്ചുയരു​േമ്പാഴും ഈ വർധിപ്പിച്ച നികുതി പിൻവലിക്കാൻ പോലും കേന്ദ്രം തയ്യാറാകുന്നില്ല.

തനിക്ക്​ മാത്രമായി എന്തെങ്കിലും ചെയ്യാനാവില്ല -നിർമല സീതാരാമൻ

പെട്രോൾ വില കുറക്കാൻ തനിക്ക്​ മാത്രമായി എന്തെങ്കിലും ചെയ്യാനാവില്ലെന്നാണ്​​ ശനിയാഴ്ച കേന്ദ്ര ധനമന്ത്രി നിർമല സീതാരാമൻ വ്യക്​തമാക്കിയത്​. 'വില വർധനവിൽ പരസ്​പരം കുറ്റപ്പെടുത്തിയിട്ട്​ കാര്യമില്ല. കേന്ദ്രവും സംസ്ഥാനങ്ങളും ഒന്നിച്ചിരുന്ന്​ പരിഹാരം കാണുകയാണ്​ വേ​ണ്ടത്​. നികുതി കുറക്കാൻ തനിക്ക്​ സംസ്ഥാനങ്ങളോട്​ നിർദേശിക്കാനാവില്ല. വിഷമം പിടിച്ച അവസ്ഥയാണ്​ നില നിൽക്കുന്നത്'​ എന്നായിരുന്നു അ​വരുടെ പ്രതികരണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:petroldieselWest Bengalfuel taxBJP
News Summary - West Bengal govt reduces tax on petrol, kerala says no reduction
Next Story