നയപ്രഖ്യാപന പ്രസംഗം തത്സമയം കാണിച്ചില്ല; സർക്കാരുമായി ഉടക്കി ബംഗാൾ ഗവർണർ

കൊൽക്കത്ത: നയപ്രഖ്യാപന പ്രസംഗം ചാനലു​കളിൽ തത്സമയം കാണിക്കാൻ അനുമതി നൽകാതിരുന്ന​ പശ്ചിമ ബംഗാൾ സർക്കാറിൻെറ ന ടപടിയിൽ പ്രതിഷേധവുമായി​ ഗവർണർ. പശ്ചിമ ബംഗാൾ ഗവർണർ ജഗദീപ്​ ധൻകറാണ് സർക്കാർ നിലപാടിൽ അതൃപ്​തി അറിയിച്ചത്​.

ധനമന്ത്രി അമിത്​ മിത്രയുടെ ബജറ്റ്​ അവതരണം ചാനലുകളിൽ തത്സമയം സംപ്രേഷണം ചെയ്​തിരുന്നു. എന്നാൽ, ഗവർണറുടെ നയപ്രഖ ്യാപന പ്രസംഗം തത്സമയം സംപ്രേഷണം ചെയ്യാൻ മാധ്യമങ്ങളെ അനുവദിച്ചില്ല. സംഭവത്തിൽ സംസ്​ഥാനത്തെ ജനങ്ങൾ വിധി നിർണയി​ക്ക​ട്ടെയെന്നും ഗവർണർ ട്വീറ്റ്​ ചെയ്​തു.

ഫെബ്രുവരി ഏഴിനായിരുന്നു ഗവർണറുടെ നയപ്രഖ്യാപന പ്രസംഗം. മുഖ്യമന്ത്രി മമത ബാനർജിയും ഗവർണറും തമ്മിൽ കുറച്ചുകാലമായി ഏറ്റുമുട്ടലിലാണ്​. സർക്കാരിൻെറ നയപ്രഖ്യാപനം ഗവർണർ വായിക്കുമോ എന്ന കാര്യത്തിൽ സംശയമുണ്ടായിരുന്നു.
എന്നിരുന്നാലും ദേശീയ പൗരത്വ പട്ടിക, പൗരത്വ ​നിയമ ഭേദഗതി തുടങ്ങിയ വിഷയങ്ങളിൽ കടുത്ത എതിർപ്പ്​ പ്രകടിപ്പിക്കുന്ന വരികൾ ഉൾപ്പെടെ നയപ്രഖ്യാപന പ്രസംഗം അദ്ദേഹം പൂർണമായും വായിച്ചിരുന്നു.

പ്രസംഗം തത്സമയം സംപ്രേഷണം ചെയ്യാൻ ചാന​ലുകൾക്ക്​ അനുമതി നൽകാതിരുന്ന സംഭവത്തിൽ പ്രതി​കരിക്കാൻ മുഖ്യമന്ത്രി മമത ബാനർജി തയാറായില്ല. അത്​ എൻെറ വിഷയമല്ലെന്നും സ്​പീക്കർ ബിമൻ ബാനർജിയോട്​ ചോദിക്കണമെന്നും മമത പറഞ്ഞു.