എ​െൻറ വിവാഹമാണോ താങ്കളെ ജയിലിലാക്കിയത്​​? ജഗൻമോഹൻ റെഡ്​ഢിക്കെതിരെ പവൻ കല്യാൺ

വിജയവാഡ: ആന്ധ്രപ്രദേശ്​ മുഖ്യമന്ത്രി വൈ.എസ്​. ജഗൻമോഹൻ റെഡ്​ഢിക്കെതിരെ ആഞ്ഞടിച്ച്​ ജനസേന അധ്യക്ഷനും നടനു​മാ യ പവൻ കല്യാൺ. ​ആന്ധ്രയിലെ സർക്കാർ സ്​കൂളുകളിലെ പഠന മാധ്യമം ഇംഗ്ലീഷാക്കി മാറ്റാനുള്ള നടപടിയെ വിമർശിച്ചതിന്​ ത ​​െൻറ വിവാഹത്തെ കുറിച്ചുള്ള വ്യക്തിപരമായ പരാമർശം നടത്തിയ ജഗൻമോഹൻ റെഡ്​ഢിയുടെ നടപടിക്കെതിരെയാണ്​ പവൻ കല്യാൺ രംഗത്തെത്തിയത്​.

‘‘പവൻ കല്യാൺ സാർ, നിങ്ങൾക്ക്​ മൂന്ന്​ ഭാര്യമാരുണ്ട്​. നാ​േലാ അഞ്ചോ കു​ട്ടികളുണ്ട്​. അവർ പഠിക്കുന്ന സ്​കൂളുകളിലെ പഠന മാധ്യമം എന്താണ്​.? ’’എന്നായിരുന്നു ജഗൻ മോഹൻ റെഡ്​ഢി ചോദിച്ചത്​.

‘‘ഞാൻ മൂന്ന് സ്ത്രീകളെ​ വിവാഹം കഴിച്ചതായി നിങ്ങൾ തുടർച്ചയായി പറഞ്ഞുകൊണ്ടിരിക്കുന്നു. എ​​െൻറ വിവാഹംകൊണ്ട്​ നിങ്ങൾക്ക്​ എന്ത്​​ പ്രശ്​നമാണുണ്ടായത്​.? നിങ്ങൾ രണ്ട്​ വർഷം ജയിലിൽ കിടന്നത്​ എ​​െൻറ വിവാഹം കാരണമായിരുന്നോ.? ’’ പവൻ കല്യാൺ തിരിച്ചടിച്ചു.

അനധികൃത സ്വത്ത്​ സമ്പാദന കേസിൽ ജഗൻമോഹൻ ജയിലിലായതിനെ പരാമർശിച്ചായിരുന്നു പവൻ കല്യാണി​​െൻറ മറുപടി. സർക്കാർ നയങ്ങളെ ചോദ്യം ചെയ്​തതിന്​ മുഖ്യമന്ത്രി ജഗൻമോഹൻ റെഡ്​ഢി വ്യക്തിപരമായ പരാമർശങ്ങൾ നടത്തുന്നത്​ ദൗർഭാഗ്യകരമാണെന്ന്​ പവൻ കല്യാൺ പറഞ്ഞു.

അധ്യാപകർക്ക്​ മതിയായ പരിശീലനം നൽകാതെ പഠന മാധ്യമം ഇംഗ്ലീഷ്​ ആക്കുന്നത്​ എങ്ങനെയെന്ന്​ പവൻ കല്യാൺ ചോദിച്ചിരുന്നു.