Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightസി.എ.എ നടപ്പാക്കും...

സി.എ.എ നടപ്പാക്കും മുമ്പ്​ നിങ്ങൾക്ക്​ അധികാരത്തിൽ നിന്ന്​ പുറത്തേക്കുള്ള വഴി കാണിച്ചുതരും; ജെ.പി നദ്ദയോട്​ മഹുവ മോയ്​ത്ര

text_fields
bookmark_border
സി.എ.എ നടപ്പാക്കും മുമ്പ്​ നിങ്ങൾക്ക്​ അധികാരത്തിൽ നിന്ന്​ പുറത്തേക്കുള്ള വഴി കാണിച്ചുതരും; ജെ.പി നദ്ദയോട്​ മഹുവ മോയ്​ത്ര
cancel

കൊൽക്കത്ത: സി.എ.എ നടപ്പാക്കും മുമ്പ്​ നിങ്ങൾക്ക്​ അധികാരത്തിൽ നിന്ന്​ പുറത്തേക്കുള്ള വഴി കാണിച്ചുതരാമെന്ന്​ ജെ.പി നദ്ദയോട്​ തൃണമൂൽ എം.പി മഹുവ മോയ്​ത്ര. പൗരത്വ ഭേദഗതി നിയമം ഉടൻ നടപ്പാക്കുമെന്ന​ ബി.ജെ.പി ദേശീയ പ്രസിഡൻറ്​ ജെ.പി നദ്ദയുടെ പ്രസ്​താവനയോട്​ പ്രതികരിക്കുകയായിരുന്നു അവർ. ട്വിറ്ററിലാണ്​ മഹുവ മോയ്​ത്ര ഇങ്ങിനെ കുറിച്ചത്​. ബി.ജെ.പിയേയും ജെ.പി നദ്ദയേയും പരാമർശിച്ചുകൊണ്ടായിരുന്നു അവരുടെ ട്വീറ്റ്​. 'നദ്ദ പറയുന്നു സി.എ.എ നടപ്പാക്കുമെന്ന്​. ഞങ്ങളുടെ രേഖകൾ നിങ്ങളെ കാണിക്കുന്നതിനുമുമ്പ്​ നിങ്ങൾക്ക്​ പുറത്തേക്കുള്ള വാതിൽ ഞങ്ങൾ കാണിച്ചുതന്നിരിക്കും'-അവർ ട്വിറ്ററിൽ കുറിച്ചു.

കഴിഞ്ഞ ദിവസം പശ്ചിമ ബംഗാളിലെ സിലിഗുരിയിലെ റാലിയിൽ സംസാരിക്കവേയാണ്​ ബി.ജെ.പി അധ്യക്ഷ​ൻ സി.എ.എയെപറ്റി അഭി​പ്രായ പ്രകടനം നടത്തിയത്​. സി.എ.എ നടപ്പാക്കുന്നത്​ വൈകിയത്​ കോവിഡായതിനാലാണെന്നും നദ്ദ പറഞ്ഞിരുന്നു. പാർട്ടി സി.എ.എ നടപ്പാക്കാൻ പ്രതിജ്ഞാബദ്ധരാണെന്നും എല്ലാവർക്കും അതി​െൻറ ഗുണം ലഭിക്കുമെന്നും നദ്ദ പറഞ്ഞു. 2021ൽ നടക്കാനിരിക്കുന്ന തെര​ഞ്ഞെടുപ്പിന്​ മുന്നോടിയായി സംഘടനാകാര്യങ്ങൾക്ക്​ മേൽനോട്ടം വഹിക്കാനാണ്​ നദ്ദ ബംഗാളിലെത്തിയത്​. മമതയെപ്പോലെ വിഭജിച്ച്​ ഭരിക്കാനല്ല ബി.ജെ.പി ശ്രമിക്കുന്നതെന്നും എല്ലാവർക്കും വികസനമെത്തിക്കാനാണെന്നും നദ്ദ പറഞ്ഞു.

2020 ജനുവരി 10നാണ്​ പൗരത്വ ഭേദഗതി നിയമം നിലവിൽ വന്നതായി കേന്ദ്ര സർക്കാർ വിജ്ഞാപനം ഇറക്കിയത്​. ബിൽ പാർലമെൻറിലെത്തിയതിനുപിന്നാലെ രാജ്യ​ത്തുടനീളം ശക്തമായ പ്രതിഷേധം അലയടിച്ചിരുന്നു. ബി.ജെ.പിയുടെ കടുത്ത വിമർശകയായ മഹുവ മൊയ്​ത്രയുടെ പാർലമെൻറിലെ ആദ്യ പ്രസംഗം രാജ്യംമുഴുവൻ ശ്രദ്ധയാകർഷിച്ചിരുന്നു.

Show Full Article
TAGS:CAA CAA-NRC protest Mahua Moitra BJP 
Next Story