ദുർബല സാക്ഷികൾ സ്ത്രീകളും കുട്ടികളും -സുപ്രീംകോടതി

ന്യൂഡൽഹി: സ്ത്രീകളും കുട്ടികളുമാണ് 'ദുർബലരായ സാക്ഷി'കളെന്നും അവരുടെ ദുരവസ്ഥ ആശങ്കപ്പെടുത്തുന്നതാണെന്നും സുപ്രീം കോടതി. ദുർബല സാക്ഷി പരിപാലന കേന്ദ്രങ്ങൾക്കായി ഏകീകൃത ദേശീയ മാതൃക തയാറാക്കുന്നതിൽ നോഡൽ ഏജൻസിയായി നിയമ നീതി മന്ത്രാലയത്തെ നിയമിക്കണമെന്ന ഹരജി തള്ളിയാണ് കോടതിയുടെ നിരീക്ഷണം.

നോഡൽ ഏജൻസിയായി വനിത-ശിശു വികസന മന്ത്രാലയം തന്നെ തുടരണമെന്നും കോടതി നിർദേശിച്ചു. ഇതുസംബന്ധിച്ച കേസിൽ വനിത ശിശു വികസന മന്ത്രാലയത്തെ കോടതി കക്ഷിചേർക്കുകയും ചെയ്തു.