Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഞങ്ങൾ കുമ്പിടില്ല;...

ഞങ്ങൾ കുമ്പിടില്ല; ഫാഷിസ്​റ്റ്​ സർക്കാറിനെതിരെ പാർലമെൻറിലും തെരുവിലും പോരാടും -മമത

text_fields
bookmark_border
ഞങ്ങൾ കുമ്പിടില്ല; ഫാഷിസ്​റ്റ്​ സർക്കാറിനെതിരെ പാർലമെൻറിലും തെരുവിലും പോരാടും -മമത
cancel

ന്യൂഡൽഹി: കാർഷിക ബില്ലിനെതിരെ പാർലമെൻറിൽ പ്രതിഷേധിച്ച പ്രതിപക്ഷ എം.പിമാരെ സസ്​പെൻഡ്​ ചെയ്​ത നടപടിക്കെതിരെ പശ്ചിമ ബംഗാൾ മുഖ്യമന്ത്രി​ മമത ബാനർജി. ഫാഷിസ്​റ്റ്​ സർക്കാറിനെതിരെ പാർല​മെൻറിനകത്തും തെരുവിലും പോരാടുമെന്നും മമത വ്യക്തമാക്കി. ട്വിറ്ററിലാണ്​ മമത ബാനർജി കേന്ദ്ര സർക്കാറിനെതിരെ വിമർശനമുന്നയിച്ചത്​​.

''കർഷക താത്​പര്യങ്ങളെ സംരക്ഷിക്കാനായി പോരാടിയ എട്ട്​ എം.പിമാരുടെ സസ്​പെൻഷൻ ദൗർഭാഗ്യകരവും ജനാധിപത്യ മര്യാദകളേയും നിയമങ്ങളേയും ബഹുമാനിക്കാത്ത ഏകാധിപത്യ സർക്കാറിൻെറ മനോനിലയുടെ പ്രതിഫലനവുമാണ്​. ഞങ്ങൾ കുമ്പിടില്ല. ഈ ഫാഷിസ്​റ്റ്​ സർക്കാറിനെതിരെ പാർലമെൻറിലും തെരുവിലും പോരാടും.''- മമത ബാനർജി ട്വീറ്റ്​ ചെയ്​തു. ബി.ജെ.പി ജനാധിപത്യത്തെ ഇല്ലാതാക്കി എന്ന ഹാഷ്​ടാഗിലായിരുന്നു മമതയുടെ ട്വീറ്റ്​.

കാർഷിക ബില്ല്​ പാസാക്കുന്നതിനിടെ രാജ്യസഭയിൽ നടുത്തളത്തിലിറങ്ങി ​പ്രതിഷേധിച്ച കോൺഗ്രസ്​ എം.പിമാരായ രാജീവ്​ സതാവ്​, റിബുൻ സോറ, സയ്യിദ്​ നസീർ ഹുസൈൻ, ആം ആദ്​മി പാർട്ടിയിലെ​ സഞ്​ജയ്​ സിങ്​, തൃണമൂൽ കോൺഗ്രസ്​ എം.പിമാരായ ഡെറിക്​ ഒബ്രിയാൻ, ഡോല സെൻ, സി.പി.എം എം.പിമാരായ എളമരംകരീം, കെ.കെ. രാഗേഷ്​ തുടങ്ങി എട്ട്​ എം.പിമാരെയാണ് ഒരാഴ്​ചത്തേക്ക്​​ സസ്​പെൻഡ്​ ചെയ്​തിരിക്കുന്നത്​.

Show Full Article
TAGS:Mamata Banerjee Parliament Agriculture bill 
Next Story