Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഞങ്ങൾ ദീപങ്ങൾ...

ഞങ്ങൾ ദീപങ്ങൾ തെളിയിക്കാം, നിങ്ങൾ സാമ്പത്തിക വിദഗ്​ധരുടെ ഉപദേശം സ്വീകരിക്കുക - മോദിയോട്​ ചിദംബരം

text_fields
bookmark_border
ഞങ്ങൾ ദീപങ്ങൾ തെളിയിക്കാം, നിങ്ങൾ സാമ്പത്തിക വിദഗ്​ധരുടെ ഉപദേശം സ്വീകരിക്കുക - മോദിയോട്​ ചിദംബരം
cancel

ന്യൂഡൽഹി: കോവിഡ്​ വൈറസ്​ വ്യാപനത്തെ തുടർന്ന്​ രാജ്യം പ്രതിസന്ധിയിലായ സാഹചര്യത്തിലും സാമ്പത്തിക നടപടികൾ പ്രഖ്യാപിക്കാ​െത ദീപങ്ങൾ തെളിയിക്കാൻ ആഹ്വാനം ചെയ്​ത പ്രധാനമന്ത്രി നരേന്ദ്ര മോദിയുടെ വീഡിയോ സന്ദേശത്തെ വിമർശിച്ച്​ കോൺഗ്രസ് നേതാവ് പി ചിദംബരം.
രാജ്യത്തെ ദരിദ്രജനവിഭാഗങ്ങൾക്കായി സാമ്പത്തിക സഹായ പാക്കേജും സാമ്പത്തിക ​േക്ലശം മറികടക്കാനുള്ള നടപടികളും പ്രഖ്യാപിക്കുമെന്ന്​പ്രതീക്ഷിച്ചിരുന്നുവെന്നും, എന്നാൽ ജനങ്ങൾ നിരാശരാവുകയാണുണ്ടായതെന്നും ചിദംബരം ട്വിറ്ററിലൂടെ ആരോപിച്ചു.

‘‘പ്രധാനമന്ത്രി നരേന്ദ്ര മോദി, ഞങ്ങൾ നിങ്ങളെ അനുസരിക്കുകയും ഏപ്രിൽ 5 ന് ദീപം തെളിയിക്കുകയും ചെയ്യാം. പകരമായി, ഞങ്ങൾ പറയുന്നത്​ കേൾക്കുകയും ആരോഗ്യ-സാമ്പത്തിക വിദഗ്ധരുടെ ബുദ്ധിപൂർവകമായ ഉപദേശങ്ങൾ സ്വീകരിക്കുകയും ചെയ്യുക” -ചിദംബരം പറഞ്ഞു.

"ഇന്ന് ഞങ്ങൾ നിങ്ങളിൽ നിന്ന് പ്രതീക്ഷിച്ചത് രണ്ടാമത്​ സാമ്പത്തിക സഹായ പദ്ധതിയാണ്​. മാർച്ച്​ 25 ലെ ധനമന്ത്രി നിർമ്മല സീതാരാമ​​െൻറ പ്രഖ്യാപനത്തിൽ അവഗണിച്ച ദരിദ്ര വിഭാഗങ്ങൾ ഉൾപ്പെടെയുള്ളവർക്കായുള്ള ഉദാരമായ ഉപജീവന സഹായ പാക്കേജാണ് പ്രതീക്ഷിച്ചത്​" -ചിദബരം ട്വീറ്റ്​ ചെയ്​തു.

ബിസിനസുകാർ മുതൽ ദിവസ വേതനക്കാരൻ വരെ, നിലവിലെ സാമ്പത്തിക തകർച്ച തരണം ചെയ്യുന്നതിനും സാമ്പത്തിക വളർച്ച​െയ ഉത്തേജിപ്പിക്കുന്നതിനുമുള്ള നടപടികൾ പ്രധാനമന്ത്രി പ്രഖ്യാപിക്കുമെന്നാണ്​പ്രതീക്ഷിച്ചിരുന്നതെന്നും മുൻ ധനമന്ത്രി കൂടിയായ ചിദംബരം പറഞ്ഞു.

വിഡിൃയാ സന്ദേശത്തിലൂടെ രാജ്യത്തെ അഭിസം​േബാധന ചെയ്​ത്​ മോദി ലോക്​ഡൗണിന്​ ​െഎക്യദാർഡ്യം പ്രഖ്യാപിച്ച്​ കൊണ്ട്​​ ഏപ്രിൽ അഞ്ചിന്​ രാത്രി ഒമ്പതിന്​ ഒമ്പത്​ മിനിറ്റ്​ എല്ലാ വൈദ്യൂതി വിളക്കുകളും അണക്കണമെന്നും ബാൽകണികളിൽ നിന്നും വീടുകൾക്ക്​ മുന്നിൽ നിന്നും​ മെഴുകിതിരി, മൊബൈൽ വെളിച്ചം എന്നിവ പ്രകാശിപ്പിച്ച്​ എല്ലാവരും രാജ്യത്തിനൊപ്പം നിൽക്കണമെന്നും ആവശ്യപ്പെട്ടിരുന്നു. എന്നാൽ പുതിയ തീരുമാനങ്ങളോ പാക്കേജുകളോ പ്രഖ്യാപിച്ചിട്ടില്ല.

Show Full Article
TAGS:covid19 p chidambaram PM Modi india news 
News Summary - We will light 'diyas' but you address economic woes : Chidambaram to PM Modi
Next Story