Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമതവും രാഷ്​ട്രീയവും...

മതവും രാഷ്​ട്രീയവും കൂട്ടിക്കുഴച്ചതു​ം ബി.ജെ.പി സഖ്യവും തെറ്റ്​ - ഉദ്ധവ് താക്കറെ

text_fields
bookmark_border
മതവും രാഷ്​ട്രീയവും കൂട്ടിക്കുഴച്ചതു​ം  ബി.ജെ.പി സഖ്യവും തെറ്റ്​ - ഉദ്ധവ് താക്കറെ
cancel

നാഗ്പുര്‍: മതത്തെ രാഷ്​ട്രീയവുമായി ചേർത്തതും ബി.ജെ.പിക്കൊപ്പം നിന്നതും ശിവസേനയ്ക്ക് പറ്റിയ തെറ്റായിരുന്നെന്ന് തുറന്നുപറഞ്ഞ്‌ മഹാരാഷ്​​്ട്ര മുഖ്യമന്ത്രി ഉദ്ധവ് താക്കറെ. കഴിഞ്ഞയാഴ്ച മഹാരാഷ്​ട്ര നിയമസഭ സമ്മേളനത്തിലായിരുന്നു ബി.ജെ.പിക്കെതിരായ ഉദ്ധവ് താക്കറെയുടെ തുറന്നുപറച്ചിൽ.

ശിവസേനയുടെ ആശയസംഹിതക്ക്​ വിരുദ്ധമായി കോൺഗ്രസും എൻ.സി.പിയുമായി സഖ്യമുണ്ടാക്കിയതിനെ വിമർശിച്ച ബി.ജെ.പി നേതാവും മുൻ മുഖ്യമന്ത്രിയുമായ ദേവേന്ദ്ര ഫഡ്​നാവിസിന്​ മറുപടിയായിട്ടായിരുന്നു ഇത്​. എതിർ ആശയസംഹിതകളുള്ള മമത ബാനർജി, റാം വിലാസ്​ പാസ്വാൻ എന്നിവരുമായും പി.ഡി.പിയുമായുമൊക്കെ ബി.ജെ.പി സഖ്യമുണ്ടാക്കിയത്​ ചൂണ്ടിക്കാട്ടിയാണ്​ മതവും രാഷ്​ട്രീയവും കൂട്ടിക്കുഴച്ചതും ബി.ജെ.പിയുമായുണ്ടാക്കിയ കൂട്ടുകെട്ടും തെറ്റായിരുന്നെന്ന്​ ഉദ്ധവ് തുറന്നടിച്ചത്​. ​

‘ഫഡ്‌നവിസ് ജനവിധിയെ കുറിച്ച് സംസാരിക്കുന്നു. പക്ഷെ ഇത് രാഷ്​ട്രീയമാണ്. രാഷ്​ട്രീയത്തെയും മതത്തെയും കൂട്ടിക്കുഴക്കുന്നത് തെറ്റാണ്. ധര്‍മ്മിഷ്​ടരും ചൂതുകളിയില്‍ തോറ്റുവെന്നത് (മഹാഭാരത കഥയെ പരാമർശിച്ച്​) നമ്മള്‍ മറന്നു. രാഷ്​ട്രീയമെന്നത് ചൂതുകളിയാണ്. പക്ഷെ അതിനെ അതി​േൻറതായ സ്ഥാനത്ത് നിര്‍ത്തണം. എന്നാല്‍ നമ്മളത് മറന്നു. നമ്മള്‍ 25 വര്‍ഷത്തോളം ഒരുമിച്ച് നിന്നു. ഹിന്ദുത്വയുടെ അടിസ്ഥാനത്തിലായിരുന്നു അത്.

ഞങ്ങള്‍ മതം മാറിയിട്ടില്ല. ഇന്നും ഇന്നലെയും എന്നും ഞങ്ങള്‍ ഹിന്ദുക്കളാണ്. പക്ഷെ നിങ്ങളുടെ കാര്യമെന്താണ്​? നിങ്ങള്‍ എതിര്‍പക്ഷത്തുള്ള മമത ബാനര്‍ജിയുമായും റാംവിലാസ് പാസ്വാനുമായും പി.ഡി.പിയുമായി വരെ സഖ്യത്തിലേര്‍പ്പെട്ടു. ധര്‍മ്മമെന്നത് പറയാന്‍ മാത്രമുള്ളതല്ല. പിന്തുടരാന്‍ കൂടിയുള്ളതാണ്. മതമെന്നത് പുസ്തകത്തില്‍ മാത്രമല്ല. യഥാര്‍ഥ ജീവിതത്തിലും നിലനില്‍ക്കണം’- ഉദ്ദവ് താക്കറെ പറഞ്ഞു.
തങ്ങളുടെ സര്‍ക്കാര്‍ റിക്ഷയില്‍ സഞ്ചരിക്കുന്നവര്‍ക്കൊപ്പമാണെന്നും അല്ലാതെ ബുള്ളറ്റ് ട്രെയിനില്‍ യാത്ര ചെയ്യുന്നവര്‍ക്കുള്ളത് വേണ്ടിയുള്ളതല്ലെന്നും ബി.ജെ.പിയെ പരിഹസിച്ച് താക്കറെ പറഞ്ഞു.

Show Full Article
TAGS:Uddhav Thackeray anti BJP statement 
News Summary - "We Mixed Religion With Politics, Mistake": Uddhav Thackeray -India news
Next Story