നിങ്ങൾ ചൊവ്വയിൽ കുടുങ്ങിയാലും ഞങ്ങൾ സഹായിക്കാനെത്തും–​ സുഷമ

ന്യൂഡൽഹി: ലോകത്തിൽ ഏതു കോണിലാണ്​ നിങ്ങളെങ്കിലും സഹായിക്കാൻ ഇന്ത്യൻ എംബസി കൂടെയുണ്ടാകു​െമന്ന്​ വിദേശകാര്യമന്ത്രി സുഷമ സ്വരാജ്​. ‘നിങ്ങൾ ചൊവ്വയിൽ കുടുങ്ങിയാലും ഇന്ത്യൻ എംബസി നിങ്ങൾ സഹായിക്കാനെത്തും’ എന്നാണ്​ സുഷമയുടെ പുതിയ ട്വീറ്റ്​. ഇന്ത്യയുടെ ചൊവ്വാ ദൗത്യമായ മംഗൾയാൻ 2 വിനെ കുറിച്ച്​ കിരൺ സായ്​നി എന്ന യുവാവി​​​​​​െൻറ ട്വീറ്റിന്​ മറുപടിയായാണ്​ മന്ത്രിയുടെ തമാശ കലർന്ന മറുപടി. 

Even if you are stuck on the Mars, Indian Embassy there will help you. https://t.co/Smg1oXKZXD

— Sushma Swaraj (@SushmaSwaraj) June 8, 2017

‘‘ ഞാൻ ചൊവ്വയിൽ കുടുങ്ങി കിടക്കുകയാണ്​. മംഗാൾയാൻ വഴി അയച്ച ഭക്ഷണം 987 ദിവസം കൊണ്ട്​ തീർന്നിരിക്കുന്നു. എന്നാണ്​ മംഗൾയാൻ2 അയക്കുക’’ എന്നായിരുന്നു​ കിരൺ സായ്​നിയുടെ ട്വീറ്റ്​​. രണ്ടു മണിക്കൂറിനുള്ളിൽ അതേനാണയത്തിൽ സുഷമ തിരിച്ചടിച്ചു. ​ നിങ്ങൾ ചൊവ്വയിലാണെങ്കിലും ഇന്ത്യൻ എംബസി സഹായത്തിനെത്തുമെന്ന സുഷമയുടെ മറുപടി ട്വീറ്റിന്​ 3700 ലധികം റീട്വീറ്റുകളും 8000​ത്തോളം ലൈക്കുമാണ്​ കിട്ടിയത്​. 

ഇന്ത്യൻ പൗരൻമാരെ സഹായിക്കാൻ അതിർത്തികളോ ദൂരമോ തടസമല്ലെന്ന്​ തെളിയിച്ച മന്ത്രിയാണ്​ സുഷമ. ട്വിറ്ററിൽ സജീവമായ സുഷമക്ക്​ എട്ടുമില്യൻ ഫോളോവേ​ഴ്​സാണ്​ ഉള്ളത്​. സഹായമോ അഭ്യർത്ഥനയോ എന്തായാലും ട്വിറ്ററിലൂടെ നേരിട്ട്​ മറുപടി നൽകുകയെന്നതാണ്​ സുഷമ സ്വരാജി​​​​​​െൻറ രീതി. കഴിഞ്ഞ മാസം പാകിസ്​താൻ പൗരനായ കുഞ്ഞിന്​ ഇന്ത്യയിലേക്ക്​ ചികിത്സക്കുള്ള വിസ അനുവദിച്ചത്​ ഏറെ പ്രശംസിക്കപ്പെട്ടിരുന്നു.