ഞങ്ങൾ കുട്ടികൾക്ക്​ പേനകൾ നൽകുന്നു; അവർ തോക്കുകളും -കെജ്​രിവാൾ

ന്യൂഡൽഹി: ജാമിഅ മില്ലിയ സർവകലാശാലക്ക്​ മുന്നിൽ നടന്ന വെടിവെപ്പിൽ പ്രതികരണവുമായി ഡൽഹി മുഖ്യമന്ത്രി അരവിന്ദ് ​ കെജ്​രിവാൾ. ഞങ്ങൾ കുട്ടികൾക്ക്​​ പേനകൾ നൽകു​േമ്പാൾ ചിലർ തോക്കുകളാണ്​ നൽകുന്നതെന്ന്​ കെജ്​രിവാൾ പറഞ്ഞു.

ഞങ്ങളുടെ പാർട്ടി കുട്ടികൾക്ക്​ പേനകളും കമ്പ്യൂട്ടറുകളും നൽകുന്നു. അവരെ സംരഭകത്വത്തെ കുറിച്ച്​ സ്വപ്​നം കാണാൻ പ്രേരിപ്പിക്കുന്നു. എന്നാൽ, മറ്റ്​ ചിലർ കുട്ടികൾക്ക്​ തോക്കുകൾ നൽകുകയും അവരിൽ വിദ്വേഷം നിറക്കുകയാണെന്നും അദ്ദേഹം കുറ്റപ്പെടുത്തി.

ജാമിഅ മില്ലിയ വിദ്യാർഥികൾക്ക്​ നേരെ കഴിഞ്ഞ ദിവസം രാംഭക്​ത്​ ഗോപാൽ എന്നയാൾ വെടിയുതിർത്തിരുന്നു. വെടിവെപ്പിൽ ഒരു വിദ്യാർഥിക്ക്​ പരിക്കേൽക്കുകയും ചെയ്​തിരുന്നു. ഇതിനെതരെ വ്യാപകം പ്രതിഷേധം ഉയരുന്നതിനിടെയാണ്​ കെജ്​രിവാളി​​െൻറ പരാമർശം.