വയനാട്ടിൽനിന്ന്​ പുറപ്പെട്ട ബസ്​ ശ്രീരംഗപട്ടണയിൽ കത്തിനശിച്ചു

ബംഗളൂരു: വയനാട്ടിൽനിന്ന്​ ബംഗളൂരുവിലേക്ക്​ വരികയായിരുന്ന സ്വകാര്യബസിന്​ ഒാടിക്കൊണ്ടിരിക്കെ തീപിടിച്ചു. ഡ ്രൈവറുടെ ഇടപെടൽകാരണം യാത്രക്കാരെ മുഴുവൻ പുറത്തിറക്കിയതിനാൽ ആളപായമില്ല. ബസ്​ പൂർണമായി കത്തിനശിച്ചു. മൈസൂരു-ബംഗളൂരു ഹൈവേയില്‍ ശ്രീരംഗപട്ടണക്ക്​ സമീപം കണങ്കൂരിൽ ശനിയാഴ്​ച പുലർച്ചെ നാലോടെയാണ്​ സംഭവം.

ഷോർട്ട്​ സർക്യൂട്ട്​ കാരണം എന്‍ജിനില്‍ തീപടരുകയായിരുന്നുവെന്ന്​ ശ്രീരംഗപട്ടണ റൂറൽ എസ്​.​െഎ അറിയിച്ചു. തീ ഉയരുന്നത് ശ്രദ്ധയില്‍പ്പെട്ടയുടന്‍ ഡ്രൈവര്‍ ബസ് നിര്‍ത്തി യാത്രക്കാരെ മുഴുവൻ പുറത്തിറക്കിയതിനാല്‍ വൻ അപകടം ഒഴിവായി. യാത്രക്കാര്‍ ഇറങ്ങി നിമിഷങ്ങൾക്കകം ബസ് പൂര്‍ണമായും കത്തിനശിച്ചു.

30 യാത്രക്കാരുണ്ടായിരുന്നു. ലഗേജുകള്‍ കത്തിനശിച്ചു. അഗ്​നിശമനസേനയെത്തിയാണ് തീയണച്ചത്. ശ്രീരംഗപട്ടണ റൂറൽ പൊലീസ്​ കേസെടുത്തു.