ഇൻഡിഗോ വിമാനത്തിൽ അപ്രതീക്ഷിത അതിഥിയായി ഐ.എസ്​.ആർ.ഒ ചെയർമാൻ

ന്യൂഡൽഹി: ഇൻഡിഗോ വിമാനത്തിൽ അപ്രതീക്ഷിത അതിഥിയായി ഐ.എസ്​.ആർ.ഒ ചെയർമാൻ കെ.ശിവൻ. ഊഷ്​മളമായ സ്വീകരണമാണ്​ വിമാനത്തിലെ ജീവനക്കാരും യാത്രക്കാരും അദ്ദേഹത്തിന്​ നൽകിയത്​. അദ്ദേഹത്തിനൊപ്പം നിന്ന്​ ചിത്രമെടുക്കാൻ യാത്രക്കാരും ജീവനക്കാരും മൽസരിക്കുന്നതിൻെറ വീഡിയോയും പുറത്ത്​ വന്നിട്ടുണ്ട്​.

Great to see a non-movie, non-cricket personality being recognized. #ISRO #Sivan pic.twitter.com/d54DdgrYnG

— Lenin Thiru (@lenin_thiru) October 4, 2019

വിമാനത്തിലേക്ക്​ എത്തിയ ഐ.എസ്​.ആർ.ഒ ചെയർമാനെ കൈയടികളോടെയാണ്​ യാത്രക്കാർ വരവേറ്റത്​. ഊഷ്​മളായ വരവേൽപ്പിന്​ നന്ദി പറഞ്ഞാണ്​ കെ.ശിവൻ സ്വന്തം ഇരിപ്പിടത്തിലേക്ക്​ നീങ്ങിയത്​.

ഐ.എസ്​.ആർ.ഒയുടെ രണ്ടാം ചാന്ദ്രദൗത്യത്തോടെയാണ്​ രാജ്യത്ത്​ കെ.ശിവൻ പ്രശസ്​തനായത്​. ദൗത്യം ഭാഗികമായി പരാജയപ്പെ​ട്ടെങ്കിലും അദ്ദേഹത്തിൻെറ ഇടപ്പെടലുകൾ ശ്രദ്ധയാകർഷിച്ചിരുന്നു.