''2009ൽ അഭിപ്രായം പറഞ്ഞപ്പോൾ ആരും ആക്രമിച്ചില്ലായിരുന്നു, ഇന്ത്യ ഒരുപാട്​ മാറി''

ന്യൂഡൽഹി: 2009ലെ തന്‍റെ പ്രസംഗം പങ്കുവെച്ചുള്ള​ നടൻ സിദ്ധാർഥിന്‍റെ​ ട്വീറ്റ്​ വൈറലാകുന്നു. 2009ൽ ഒരു ബിസിനസ്​ സ്​കൂളിൽ വെച്ചുള്ള തന്‍റെ പ്രസംഗ​ം പങ്കുവെച്ച്​ സിദ്ധാർഥ്​ ട്വീറ്റ്​ ചെയ്​തിങ്ങനെ: ''എന്‍റെ പ്രസംഗത്തിന്​ ശേഷം പരാതിയും ഭീഷണിയും ലഭിക്കാതിരുന്നതിൽ ഞാൻ അത്​ഭുതപ്പെടുന്നു. ഒരു അഭിപ്രായം പറഞ്ഞതിനും ചോദ്യങ്ങൾ ചോദിച്ചതിനും​ ആരും എന്നെ ആക്രമിച്ചില്ല. ഇന്ത്യ മാറിപ്പോയി. നമ്മുടെ കൺമുന്നിൽ ​െവച്ചാണ്​ ഇത്​ മാറിയത്​. എന്‍റെ ചോദ്യമിതാണ്​, ഇതിനെക്കുറിച്ച് നമ്മൾ എന്താണ് ചെയ്യാൻ പോകുന്നത്​​?''.

2009ൽ പ്രസംഗത്തിനിടെ ആന്ധ്ര പ്രദേശ്​ സർക്കാറിനെതിരെയും മാധ്യമങ്ങൾക്കെതിരെയുമെല്ലാം സിദ്ധാർഥ്​ വിമർശനമുന്നയിക്കുന്നുണ്ട്​. കേന്ദ്രസർക്കാറിനെതിരെയും ബി.ജെ.പിക്കെതിരെയും വിമർശനമുന്നയിച്ചതിന്​ സിദ്ധാർഥിനെതിരെ പലകുറി സൈബർ ആക്രമണം അരങ്ങേറിയിരുന്നു. ഈ സാഹചര്യത്തിലാണ്​ താരത്തിന്‍റെ പുതിയ പോസ്റ്റ്.