Begin typing your search above and press return to search.
exit_to_app
exit_to_app
ബേട്ടി ബച്ചാവോ മുദ്രാവാക്യം മുന്നറിയിപ്പാണോ? ഉന്നാവോ​ പെൺകുട്ടികളുടെ മരണത്തിൽ യോഗിയോട്​ കോൺഗ്രസ്​
cancel
Homechevron_rightNewschevron_rightIndiachevron_rightബേട്ടി ബച്ചാവോ...

ബേട്ടി ബച്ചാവോ മുദ്രാവാക്യം മുന്നറിയിപ്പാണോ? ഉന്നാവോ​ പെൺകുട്ടികളുടെ മരണത്തിൽ യോഗിയോട്​ കോൺഗ്രസ്​

text_fields
bookmark_border

ന്യൂഡൽഹി: ഉത്തർപ്രദേശിലെ ഉന്നാവോയിൽ ദലിത്​ പെൺകുട്ടിക​ളുടെ മരണത്തിൽ മുഖ്യമന്ത്രി യോഗി ആദിത്യനാഥിനും ബി.ജെ.പിക്കും വിമർശനവുമായി കോൺഗ്രസ്​. സംസ്​ഥാനത്ത്​ പെൺകുട്ടികളെ കുറ്റകൃത്യത്തിൽനിന്ന്​ രക്ഷപ്പെടുത്തുന്നതിന്​ ബി.ജെ.പി ഉയർത്തിയ മുന്നറിയിപ്പ്​ മുദ്രാവാക്യമാണോ 'ബേട്ടി ബച്ചാവോ' എന്ന്​ കോൺഗ്രസ്​ നേതാവ്​ അൽക്ക ലാംബ ചോദിച്ചു.

ഡൽഹി കോൺഗ്രസ്​ ആസ്​ഥാനത്ത്​ വാർത്താസമ്മേളനത്തിൽ സംസാരിക്കുകയായിരുന്നു അവർ. സംസ്​ഥാനത്ത്​ കുറ്റകൃത്യങ്ങൾ വർധിക്കുന്നതിനെതിരെ 2017ൽ യു.പി ഭരിച്ചിരുന്ന സമാജ്​വാദി പാർട്ടിയെ പ്രധാനമന്ത്രി നരേന്ദ്രമോദി ചോദ്യം ചെയ്യുന്ന വിഡിയോയും വാർത്തസമ്മേളനത്തിൽ കോൺഗ്രസ്​ പ്ര​ദർശിപ്പിച്ചു.

'ഹ​ാഥറസ്​ സംഭവത്തിന്​ ശേഷം ഇപ്പോൾ ഉന്നാവോ. യോഗി സർക്കാർ പരാജയപ്പെട്ടു. ​ബേട്ടി ബച്ചാവോ മുദ്രാവാക്യം സംസ്​ഥാനത്ത്​ മുന്നറിയിപ്പായി കാണണം. ​േയാഗി സർക്കാർ യു.പിയിലെ പെൺകുട്ടികൾക്കും സ്​ത്രീകൾക്കും ഒരു ശാപമായി മാറി' -അൽക്ക ലാംബ പറഞ്ഞു.

അതിക്രമത്തിന്​ വിധേയമായവരുടെ കുടുംബത്തെ യു.പിയിൽ പൊലീസ്​ സ്​റ്റേഷനിൽ പിടിച്ചുവെക്കും. അ​തേസമയം ​കുറ്റവാളികളെ സ്വതന്ത്ര്യമായി വിഹരിക്കാൻ അനുവദിക്കും. പെൺകുട്ടികൾക്കും സ്​ത്രീകൾക്കുമെതിരായ അതിക്രമങ്ങളുടെ പ്രഭവ കേന്ദ്രമായി യു.പി മാറിയെന്നും അവർ പറഞ്ഞു.

സംഭവത്തിൽ പ്രതികരിക്കാത്തതിനെതിരെ സ്​മൃതി ഇറാനി എം.പിയെയും അൽക്ക ലാംബ ചോദ്യം ചെയ്​തു. 'എന്തുകൊണ്ടാണ്​ സ്​മൃതി ഇറാനിക്ക്​ മൗനം. അവർ യു.പിയിൽനിന്നുള്ള എം.പിയും വനിത -ശിശുവികസന മന്ത്രിയുമല്ലേ. ഇത്​ ഡബ്​ൾ എൻജിൻ സർക്കാറാണെന്ന്​ പറയുന്നു, എങ്കിൽ എന്തുകൊണ്ടാണ്​ സ്​ത്രീകൾക്ക്​ സുരക്ഷിതത്വവും നീതിയും ലഭിക്കാത്തത്​?'​ അവർ ചോദിച്ചു.

അത്യാസന്ന നിലയിൽ ചികിത്സയിൽ കഴിയുന്ന മൂന്നാ​മത്തെ പെൺകുട്ടിയെ പ്രത്യേക വിമാനത്തിൽ ഡൽഹി എയിംസ​ി​േലക്ക്​ മാറ്റണം. സംഭവത്തിന്‍റെ സത്യാവസ്​ഥ പുറത്തുകൊണ്ടുവരാൻ ആ പെൺകുട്ടിക്ക്​ മാത്രമേ കഴിയൂവെന്നും അൽക്ക ലാംബ പറഞ്ഞു.

ബുധനാഴ്ച കന്നുകാലികൾക്ക്​ പുല്ലുമുറിക്കാൻ പോയ രണ്ടു പെൺകുട്ടികളെ ഗോതമ്പ്​ പാടത്ത്​ മരിച്ച നിലയിൽ ക​ണ്ടെത്തുകയായിരുന്നു. മൂന്നാമ​െതാരു പെൺകുട്ടിയെ ബോധരഹിതയായ നിലയിലും കണ്ടെത്തി. ജില്ല ആശുപത്രിയിൽ ചികിത്സയിലാണ്​ മൂന്നാ​മത്തെ പെൺകുട്ടി. മൂന്നുപേരുടെയും വായിൽനിന്ന്​ നുരയും പതയും വന്ന നിലയിലായിരുന്നു.

Show Full Article
TAGS:Beti Bachao Unnao Congress BJP 
News Summary - Was Beti Bachao a warning Congress asks BJP after 2 Dalit girls found dead in Unnao
Next Story