You are here

രാജ്യത്തെ ഏറ്റവും വലിയ കോവിഡ്​ ആശുപത്രിയിലെ വാർഡുകൾക്ക്​ ഗൽവാൻ ധീരന്മാരുടെ പേര്​

21:29 PM
04/07/2020

ന്യൂഡൽഹി: ലോകത്തിലെ തന്നെ ഏറ്റവും വലിയ കോവിഡ് കെയർ സ​െൻറർ എന്ന്​ അറിയപ്പെടുന്ന ഡൽഹിയിലെ സർദാർ വല്ലഭായി പ​ട്ടേൽ കോവിഡ്​-19 ഹോസ്​പിറ്റലിലെ വിവിധ വാർഡുകൾക്ക്​ ഗൽവാൻ താഴ്​വരയിൽ ചൈനയുമായുണ്ടായ സംഘർഷത്തിൽ വീരമൃത്യൂ വരിച്ച ജവാന്മാരുടെ പേര്​ നൽകാൻ ഡിഫൻസ്​ റിസർച്ച്​ ആൻഡ്​ ഡവലപ്​മ​െൻറ്​ഓർഗനൈസേഷൻ (ഡി.ആർ.ഡി.ഒ) തീരുമാനിച്ചു.

കഴിഞ്ഞമാസം  ഗൽവാനിൽ ഉണ്ടായ സംഘർഷത്തിൽ വീരമൃത്യു വരിച്ച 20 ​ൈസനികരുടെ പേരാണ്​ വാർഡുകൾക്ക്​ നൽകുകയെന്ന്​ ഡി.ആർ.ഡി.ഒ ചെയർമാൻെറ സാ​ങ്കേതിക ഉപദേഷ്​ടാവ്​ സഞ്​ജീവ്​ ജോഷി അറിയിച്ചു. ദക്ഷിണ ഡൽഹിയിൽ ഹരിയാന അതിർത്തിയിലെ ഛത്തർപുരിന് സമീപം​ രാധാ സ്വാമി സത്​സംഗിൻെറ ഭൂമിയിലുള്ള സർദാർ വല്ലഭായി പ​ട്ടേൽ കോവിഡ്​-19 ഹോസ്​പിറ്റലിൻെറ  70 ഏക്കറോളം ക്വാറൻറീൻ കേന്ദ്രം മാത്രമാണ്​.

10,200 പേർക്ക്​ ഇവിടെ ചികിത്സ സൗകര്യം ഒരുക്കിയിട്ടുണ്ട്​. ഇതിൽ 10 ശതമാനം ബെഡുകൾക്ക്​ ഓക്​സിജൻ സിലിണ്ടർ സംവിധാനവുമുണ്ട്​. ആയിരത്തോളം ഡോക്​ടർമാർ, 2000 നഴ്​സുമാർ-പാരാമെഡിക്കൽ സ്​റ്റാഫുകൾ എന്നിവരെ ഇന്തോ ടിബറ്റിൻ ബോർഡർ ഫോഴ്​സ്​ ഇവിടെ നിയമിച്ചിട്ടുണ്ട്​.  

കേന്ദ്ര ആഭ്യന്തര വകുപ്പിന് കീഴിലുള്ള ഇന്തോ ടിബറ്റൻ ബോർഡർ പൊലീസിനാണ് കോവിഡ് കെയർ സ​െൻററിൻെറ സുരക്ഷാ-നടത്തിപ്പ്​ ചുമതല നൽകിയിരിക്കുന്നത്. ആയിരത്തോളം സെക്യൂരിറ്റി ജീവനക്കാരും 57ഓളം ആംബുലൻസുകളും 50 ഇ-റിക്ഷാകളും ഇവിടെ സജ്ജീകരിച്ചിട്ടുണ്ട്. 500 മൂത്രപ്പുരകളും 450 ബാത്ത് റൂമുകളും ഇവിടെ ഒരുക്കിയിട്ടുണ്ട്.

ഓരോ രോഗിക്കും പ്രത്യേകം ബെഡ്​, കസേര, പ്ലാസ്​റ്റിക്​ ക​ബോർഡ്​, ചവറ്റുകൊട്ട, ടോയ്​ലറ്റ്​ കിറ്റ്​, ചാർജിങ്​ സൗകര്യങ്ങൾ എന്നിവയുണ്ട്​. വിനോദ പരിപാടികൾ വീക്ഷിക്കുന്നതിനായി എൽ.ഇ.ഡി സ്​ക്രീനുകളും സ്​ഥാപിച്ചിട്ടുണ്ട്​. സെൻട്രൽ എ.സിയും സി.സി.ടി.വി നിരീക്ഷണവുമാണ്​ മറ്റ്​ സൗകര്യങ്ങൾ. 

Loading...
COMMENTS