രാജ്യത്ത് റഫാൽ വിമാനം പറക്കാതിരിക്കാനാണ് കോൺഗ്രസ് ശ്രമിക്കുന്നത് -മോദി
text_fieldsന്യൂഡൽഹി: ബൊഫോഴ്സ് മുതൽ ഹെലികോപ്റ്റർ വരെയുള്ള അഴിമതി അന്വേഷണങ്ങൾ ചെന്നെത്തുന്നത് ഒരേ കുടുംബത്തിലാണ െന്ന് പ്രധാനമന്ത്രി നരേന്ദ്രമോദി. രാജ്യമാണോ കുടുംബമാണോ അവർക്ക് വലുതെന്നും അദ്ദേഹം ചോദിച്ചു. ഡൽഹിയിൽ വീരമൃത്യു വരിച്ച ജവാൻമാർക്കായി നിർമിച്ച ദേശീയ യുദ്ധ സ്മാരകം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മുൻ സർക്കാറുകൾ ൈസനികരെ എങ്ങനെയായിരുന്നു പരിഗണിച്ചിരുന്നതെന്ന് എന്നേക്കാൾ നന്നായി നിങ്ങൾക്കറിയാം. രാജ്യത്ത് റഫാൽ യുദ്ധ വിമാനങ്ങൾ എത്താതിരിക്കാനാണ് കോൺഗ്രസ് ശ്രമിക്കുന്നത്. എന്നാൽ കുറച്ച് മാസങ്ങൾകൊണ്ട് ആദ്യ റഫാൽ വിമാനം ഇന്ത്യയുടെ മാനത്ത് പറക്കുമ്പോൾ എല്ലാ ഗൂഢാലോചനകളും അവസാനിക്കുമെന്നും പ്രധാനമന്ത്രി പറഞ്ഞു.
അതേസമയം, പ്രധാനമന്ത്രിയുടെ വിമർശനങ്ങൾക്കെതിരെ കോൺഗ്രസ് രംഗത്തെത്തി. ജവാൻമാരുടെ സ്മാരകത്തെ ലജ്ജാകരമായ രാഷ്ട്രീയ പ്രസംഗത്തിനുള്ള വേദിയാക്കി മാറ്റരുതെന്ന് കോൺഗ്രസ് വക്താവ് രൺദീപ് സിങ് സുർജേവാല പ്രതികരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.