പാകിസ്​താനിൽ​ ഗുരുദ്വാരക്ക്​ നേരേ കല്ലേറ്​; സിഖുകാരുടെ സുരക്ഷ ഉറപ്പാക്കണമെന്ന്​ ഇന്ത്യ

ഇസ്‌ലാമാബാദ്: പാകിസ്താനിലെ നങ്കന സാഹിബ് ഗുരുദ്വാര വളഞ്ഞ്​ ജനക്കൂട്ടം കല്ലേറ് നടത്തിയ സംഭവത്തിൽ ശക്​തമായി അപ ലപിച്ച്​ ഇന്ത്യ. ഗുരുദ്വാരയിൽ കുടുങ്ങിയ സിഖ്​ വിശ്വാസികളുടെ സുരക്ഷ ഉറപ്പാക്കണമെന്ന്​ കേന്ദ്ര വിദേശകാര്യ മന് ത്രാലയം പാക്​ ഭരണകൂടത്തോട്​ ആവശ്യ​പ്പെട്ടു.

അക്രമം നടത്തിയവര്‍ക്കെതിരെ കര്‍ശന നടപടി സ്വീകരിക്കണമെന്നു ം ഇന്ത്യ ആവശ്യപ്പെട്ടിട്ടുണ്ട്​. സിഖ്​ സ്​ഥാപകൻ ഗുരു നാനാക്കിൻെറ ജന്മസ്ഥലമാണ് നങ്കന സാഹിബ്. ജനക്കൂട്ടം സിഖ് വിരുദ്ധ മുദ്രാവാക്യങ്ങള്‍ മുഴക്കി ഗുരുദ്വാര വളഞ്ഞതിൻെറ വീഡിയോ ദൃശ്യങ്ങള്‍ അകാലിദള്‍ എം.എല്‍.എ മഞ്ജീന്ദര്‍ സിങ് സിര്‍സ പുറത്തുവിട്ടതോടെയാണ്​ സംഭവം പുറംലോകമറിയുന്നത്​. സംഭവത്തില്‍ ഉടന്‍ നടപടി സ്വീകരിക്കണമെന്ന് പാക് പ്രധാനമന്ത്രി ഇമ്രാന്‍ ഖാനോട് അഭ്യര്‍ഥിച്ചുകൊണ്ടാണ്​ അദ്ദേഹം വീഡിയോ ട്വിറ്ററിൽ ഇട്ടത്​.
സംഭവത്തില്‍ ഉടന്‍ ഇടപെടണമെന്ന് പഞ്ചാബ് മുഖ്യമന്ത്രി അമരീന്ദര്‍ സിങ്ങും ഇമ്രാന്‍ ഖാനോട് അഭ്യര്‍ഥിച്ചു. ഗുരുദ്വാരയില്‍ കുടുങ്ങിയ വിശ്വാസികളെ രക്ഷപ്പെടുത്തണമെന്നും ചരിത്രത്തില്‍ ഇടംനേടിയ ഗുരുദ്വാര സംരക്ഷിക്കണമെന്നുമാണ്​ അദ്ദേഹം ട്വിറ്ററിലൂടെ ആവശ്യ​പ്പെട്ടത്​. നൂറുകണക്കിന് പേർ വെള്ളിയാഴ്ച വൈകീട്ട് ഏഴുമണിയോടെ ഗുരുദ്വാര വളയുകയും കല്ലേറ് നടത്തുകയും ചെയ്തതെന്നാണ്​ വാര്‍ത്താ ഏജന്‍സികൾ റിപ്പോര്‍ട്ടുചെയ്യുന്നത്​.

കഴിഞ്ഞ വർഷം ആഗസ്​റ്റിൽ ഗുരുദ്വാരയുടെ ചുമതലയുള്ള വ്യക്തിയുടെ മകളെ ഒരു യുവാവ്​ തട്ടിക്കൊണ്ടു പോയി മതംമാറ്റിയിരുന്നു. ഈ യുവാവിൻെറ ആളുകളാണ്​ ഗുരുദ്വാര വളഞ്ഞതെന്നാണ് സൂചന. കഴിഞ്ഞ വർഷം ആഗസ്​റ്റിൽ നങ്കന സാഹിബിലെ ജഗ്​ജിത്​ കൗർ എന്ന പെൺകുട്ടിയെ തട്ടിക്കൊണ്ടുപോയി മതംമാറ്റിയതുമായി ബന്ധപ്പെട്ട പ്രശ്​നങ്ങളാണ്​ സംഭവത്തിന്​ പിന്നി​െലന്ന്​ കേന്ദ്ര വിദേശകാര്യ മന്ത്രാലയത്തിൻെറ വാർത്താക്കുറിപ്പിലും പറയുന്നു.