You are here

‘കുറഞ്ഞ ബിൽ വേണമെങ്കിൽ കോൺഗ്രസിനെ അധികാരത്തിലേറ്റണം’; പരാതിക്ക്​ വൈദ്യുതി വകുപ്പി​െൻറ മറുപടി

19:36 PM
24/05/2020
electricity-bill-bizzare-replay-24-05-2020
(image courtesy: https://mumbaimirror.indiatimes.com)

ഭോപാൽ: ‘കുറഞ്ഞ വൈദ്യുതി ബിൽ വേണമെങ്കിൽ ബി.​ജെ.പിയെ അധികാരത്തിൽ നിന്ന്​ പുറത്താക്കൂ, നൂറ്​ രൂപയുടെ ബിൽ കിട്ടാൻ കോൺഗ്രസിനെ കൊണ്ടുവരൂ’ രാഷ്​ട്രീയ പാർട്ടിയുടെ പ്രകടന പത്രികയിലെ വാചകമല്ലിത്​. ഭീമമായ വൈദ്യുതി ബിൽ ലഭിച്ചതിനെ തുടർന്ന്​ ഓൺലൈൻ വഴി ഒരു ഉപഭോക്താവ്​ സമർപ്പിച്ച പരാതി തള്ളിക്കൊണ്ട്​ മധ്യപ്രദേശ്​ വൈദ്യുതി വകുപ്പ്​ രേഖപ്പെട​ുത്തിയ വാചകമാണ്​. 

മധ്യപ്രദേശ്​ അഗർ മൽവ ജില്ലയിലെ ഹരീഷ്​ ജാദവ്​ എന്നയാൾ നൽകിയ പരാതിയിലാണ്​ വൈദ്യുതി വകുപ്പി​​​െൻറ ഞെട്ടിക്കുന്ന പ്രതികരണം. 30,000 രൂപക്ക്​​ മുകളിൽ വൈദ്യുതി ബിൽ വന്നതിനെ തുടർന്നാണ്​ ഹരീഷ്​ ജാദവ് വൈദ്യുതി വകുപ്പി​​​െൻറ വെബ്​സൈറ്റ്​ വഴി​ പരാതി നൽകിയത്​. ഇതേതുടർന്ന്​ ആപ്ലിക്കേഷൻ ഐ.ഡി ലഭിക്കുകയും ചെയ്​തു.

അടുത്ത ദിവസം ത​​​െൻറ പരാതിയുടെ നിലയറിയാൻ വെബ്​ സൈറ്റ്​ പരതിയ ഹരീഷ്​ ജാദവ്​ ഞെട്ടി. പരാതി തള്ളിയതായി മറുപടി നൽകിയതിന്​ താഴെ കുറഞ്ഞ വൈദ്യുതി ബിൽലഭിക്കാൻ  ബി.ജെ.പിയെ അധികാരത്തിൽ നിന്നിറക്കി കോൺഗ്രസിനെ അധികാരത്തിലേറ്റണമെന്ന്​ രേഖപ്പെടുത്തേിയതാണ്​ കണ്ടത്. 

സംഭവത്തിൽ ഹരീഷ്​ ജാദവ് വീണ്ടും വൈദ്യുതി വകുപ്പിനും കൂടാതെ​ ജില്ല കലക്​ടർക്കും​ പരാതി നൽകി. സംഭവത്തിൽ അന്വേഷണം നടക്കുകയും വൈദ്യുതി വകുപ്പിലെ അസിസ്​റ്റൻറ്​ എഞ്ചിനീയറെ സസ്​പെൻഡ്​ ചെയ്യുകയും ചെയ്​തു. കൂടാതെ സംഭവത്തിൽ വകുപ്പുതല അന്വേഷണവ​ും ആരംഭിച്ചിട്ടുണ്ട്​.

കഴിഞ്ഞ ജനുവരിയിൽ അഗർ മൽവ മനോഹർ കാമൽവാൾ മണ്ഡലത്തിലെ ബി.ജെ.പി എം.എൽ.എ മരിച്ചതിനെ തുടർന്ന്​ ഒഴിവു വന്ന സീറ്റിലേക്ക്​ ഉപതെരഞ്ഞെടുപ്പ്​ നടക്കാനിരിക്കെയാണ്​ സംഭവമെന്നത്​ ശ്രദ്ധേയമാണ്​.
 

Loading...
COMMENTS