Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഭാരത്​ മാതാ കി ജയ്​...

ഭാരത്​ മാതാ കി ജയ്​ വേണോ, ജിന്ന വാലി ആസാദി​ വേണോ? -പ്രകാശ്​ ജാവ്​ദേക്കർ

text_fields
bookmark_border
ഭാരത്​ മാതാ കി ജയ്​ വേണോ, ജിന്ന വാലി ആസാദി​ വേണോ? -പ്രകാശ്​ ജാവ്​ദേക്കർ
cancel

ന്യൂഡൽഹി: പൗരത്വ ഭേദഗതി നിയമത്തിനെതിരെ ഷഹീൻബാഗിൽ പ്രതിഷേധവുമായി മുന്നോട്ട്​ പോകുന്ന കോൺഗ്രസിനും ആം ആദ്​ മി പാർട്ടിക്കുമെതിരെ ആഞ്ഞടിച്ച്​ കേന്ദ്ര മന്ത്രി പ്രകാശ്​ ജാവ്​ദേക്കർ. കോൺഗ്രസും ആം ആദ്​മി പാർട്ടിയും കുട്ട ികൾ ഉൾ​പ്പെടെയുള്ള ന്യൂനപക്ഷങ്ങളുടെ മനസ്സിൽ വിഷം നിറക്കുകയും തെറ്റായ വഴിക്ക്​ നയിക്കുകയുമാണെന്ന്​ പ്രകാശ്​ ജാവ്​ദേക്കർ ആരോപിച്ചു.

ഡൽഹിയിൽ ‘ജിന്ന വാലി ആസാദി’ മുദ്രാവാക്യം ഉയർത്തിയത്​ തങ്ങൾ കണ്ടിട്ടുണ്ട്​. ‘ഭാരത്​ മാതാ കി ജയ്​’ വേണോ, ‘ജിന്ന വാലി ആസാദി’​ വേണോ എന്ന്​ ഡൽഹിയിലെ ജനങ്ങൾ തീരുമാനിക്കണമെന്നും അദ്ദേഹം വാർത്താസമ്മേളനത്തിൽ പറഞ്ഞു.

പൗരത്വ ഭേദഗതിക്കെതിരെയുള്ള പ്രതിഷേധത്തിൽ കോൺഗ്രസും ആം ആദ്​മി പാർട്ടിയും രാജ്യ തലസ്ഥാനത്ത്​ അക്രമത്തിന്​ പ്രേരിപ്പിക്കുകയാണ്​. ഷഹീൻബാഗ്​ പ്രതിഷേധത്തിന്​ പിന്നിൽ കോൺഗ്രസ്​, ആം ആദ്​മി പാർട്ടി കൂട്ടുകെട്ടാണ്​. ഡൽഹി മുഖ്യമന്ത്രി അരവിന്ദ്​ കെജ്​രിവാൾ, ഉപമുഖ്യമന്ത്രി മനിഷ്​ സിസോദിയ എന്നിവർ പ്രതിഷേധത്തെ പിന്തുണച്ച്​ രംഗത്തെത്തിയിട്ടുണ്ടെന്നും എന്തിനാണ്​ അക്രമത്തിന്​ പ്രോത്സാഹിപ്പിക്കുന്നതെന്ന്​ ഇരു പാർട്ടികളോടും ഡൽഹിയിലെ ജനങ്ങൾ ചോദിക്കണമെന്നും അദ്ദേഹം ആവശ്യപ്പെട്ടു.

ജാമിയ മില്ലിയ്യ സർവകലാശാലയിൽ സി.എ.എ വിരുദ്ധ പ്രതിഷേധം അക്രമാസക്തമായതിനെ തുടർന്ന്​​ ഡിസംബർ മധ്യത്തോടെയാണ്​ ഷഹീൻബാഗിൽ പ്രതിഷേധം ആരംഭിച്ചത്​. പ്രതിഷേധത്തെ തുടർന്ന്​ തെക്കു കിഴക്കൻ ഡൽഹിയെ നോയിഡയെ ബന്ധിപ്പിക്കുന്ന റോഡിൽ ഗതാഗത തടസമുണ്ട്​.

Show Full Article
TAGS:prakash javadekar CAA protest india news malayalam news 
News Summary - Want "Bharat Mata Ki Jai Or Jinnah Wali Azadi?": Minister To Delhi People
Next Story