'കാത്തിരുന്ന് കാണൂ ഞങ്ങളുടെ വിജയം' ആത്മവിശ്വാസത്തോടെ ബി.ജെ.പി

ബംഗളൂരു: നാളെ തന്നെ കർണാടക സർക്കാർ വിശ്വാസ വോട്ട് തെളിയിക്കണമെന്ന സുപ്രീംകോടതി വിധി തിരിച്ചടിയാണെന്ന് വിലയിരുത്തപ്പെടുമ്പോഴും അമിത ആത്മവിശ്വാസം പ്രകടിപ്പിച്ച് ബി.ജെ.പിയുടെ ട്വീറ്റ്. നിയമസഭയിൽ ഭൂരിപക്ഷം തെളിയിക്കാൻ വേണ്ടതിൽ കൂടുതൽ എം.എൽ.എമാരുടെ പിന്തുണയുണ്ട്. നാളെ പിന്തുണ തെളിയിക്കാൻ തയാറാണെന്നും ട്വീറ്റിൽ പറയുന്നു. 

'ഞങ്ങളുടെ ശക്തിയെക്കുറിച്ച് സംശയിക്കുന്നവരോട് ഒരു കാര്യമേ ഞങ്ങൾക്ക് പറയാനുള്ളൂ. കാത്തിരുന്ന് കാണൂ' കർണാടക ബി.ജെ.പി ഔദ്യോഗിക സൈറ്റിലൂടെ വ്യക്തമാക്കുന്നു.

We were ready to prove majority from the word go. We have more than the required number to sail through the floor test. We are looking forward to proving our mandate tomorrow.

To all those doubting the strength of our mandate, we just have one thing to say: Wait and watch.

— BJP Karnataka (@BJP4Karnataka) May 18, 2018