അഗസ്റ്റവെസ്റ്റ്ലൻഡ് കോപ്ടർ അഴിമതി: കമൽനാഥിെൻറ മരുമകൻ മുൻകൂർ ജാമ്യം തേടി
text_fieldsന്യൂഡൽഹി: കോളിളക്കമുണ്ടാക്കിയ അഗസ്റ്റവെസ്റ്റ്ലൻഡ് ഹെലികോപ്ടർ ഇടപാടിൽ മധ്യപ്രദേശ് മുഖ്യമന്ത്രി കമൽന ാഥിെൻറ മരുമകൻ രതുൽ പുരി ഡൽഹി കോടതിയിൽ മുൻകൂർ ജാമ്യം തേടി. ഹിന്ദുസ്ഥാൻ പവർ പ്രോജക്ട്സ് ചെയർമാനായ പുരിയെ അറസ്റ്റ് ചെയ്തേക്കുമെന്ന് കരുതിയാണ് നീക്കം. ചോദ്യംചെയ്യലിന് ഹാജരാകാൻ എൻഫോഴ്സ്മെൻറ് ഡയറക്ടറേറ്റിനു കീഴിലെ അന്വേഷണ സംഘത്തിെൻറ നോട്ടീസ് വെള്ളിയാഴ്ച ലഭിച്ചതായും അന്വേഷണവുമായി പൂർണമായി സഹകരിക്കുന്നുണ്ടെന്നും പുരി പ്രതികരിച്ചു.
യു.പി.എ ഭരണകാലത്ത് ഇറ്റലിയിലെ അഗസ്റ്റ വെസ്റ്റ്ലൻഡ് കമ്പനിയിൽനിന്ന് 3600 കോടി രൂപക്ക് 12 വി.വി.ഐ.പി ഹെലികോപ്ടറുകൾ വാങ്ങിയതിൽ ഉന്നത സൈനിക ഉദ്യോഗസ്ഥരും നേതാക്കളും കോഴ വാങ്ങിയെന്നാണ് കേസ്. സി.ബി.ഐയും എൻഫോഴ്സ്മെൻറ് ഡയറക്ടറേറ്റും അന്വേഷിക്കുന്ന കേസിൽ ഇതിനകം നിരവധി പേർക്ക് കുറ്റപത്രം നൽകിക്കഴിഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.