Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബാങ്ക്​ വിളിമൂലം ജോലി​ ...

ബാങ്ക്​ വിളിമൂലം ജോലി​ മുടങ്ങുന്നുവെന്ന്​ യു.പി മന്ത്രി; പള്ളികളിലെ ഉച്ചഭാഷിണിക്കെതിരെ കോടതിയെ സമീപിച്ചു

text_fields
bookmark_border
ബാങ്ക്​ വിളിമൂലം ജോലി​ മുടങ്ങുന്നുവെന്ന്​ യു.പി മന്ത്രി; പള്ളികളിലെ ഉച്ചഭാഷിണിക്കെതിരെ കോടതിയെ സമീപിച്ചു
cancel

ലഖ്​നോ: സമീപത്തെ പള്ളിയിൽനിന്ന്​ അഞ്ചുനേരം ബാങ്കുവിളിക്കുന്നത്​ യോഗ, ധ്യാനം, പൂജ, സർക്കാർ ചുമതലകൾ നിർവഹിക്കൽ എന്നിവക്ക്​ തടസ്സം സൃഷ്​ടിക്കുന്നതായി യു.പി മന്ത്രി. പള്ളികളിലെ ഉച്ചഭാഷിണിയുടെ ശബ്​ദം കുറക്കാൻ നടപടി സ്വീകരിക്കണ​മെന്നാവശ്യപ്പെട്ട്​ യു.പി ഗ്രാമവികസന, പാർല​മെന്‍ററി കാര്യ മന്ത്രി ആനന്ദ് സ്വരൂപ് ശുക്ലയാണ്​ ചൊവ്വാഴ്ച ബല്ലിയ ജില്ലാ മജിസ്‌ട്രേറ്റിന് പരാതി നൽകിയത്​.

"ദിവസം അഞ്ച് തവണയാണ്​ നമസ്​കാരത്തിനുള്ള ബാങ്ക്​​ വിളിക്കുന്നത്. ഇത്​​ യോഗ, ധ്യാനം, പൂജ, സർക്കാർ ചുമതലകൾ നിർവഹിക്കൽ എന്നിവ നിർവഹിക്കാൻ എനിക്ക് തടസ്സം സൃഷ്​ടിക്കുന്നു'' തന്‍റെ മണ്ഡലത്തിലെ കജിപുര മദീന മസ്ജിദിന്‍റെ പേര്​ പരാമർശിച്ച്​ എഴുതിയ പരാതിയിൽ ശുക്ല പറഞ്ഞു. പള്ളിക്ക് സമീപം നിരവധി സ്കൂളുകൾ ഉണ്ടെന്നും അവരുടെ പഠനത്തിനും ബാങ്ക്​ വിളി തടസ്സമാകുന്നുണ്ടെന്നും ശുക്ല പറഞ്ഞു.

"ഉച്ചഭാഷിണികളിലൂടെയാണ് മതകാര്യങ്ങൾ അറിയിക്കുന്നത്​. പള്ളി നിർമ്മാണത്തിന്​ സംഭാവന നൽകുന്നത്​ സംബന്ധിച്ചും ഉയർന്ന ശബ്​ദത്തിൽ പറയുന്നു. ഇത് വിദ്യാർത്ഥികൾക്കും മുതിർന്ന പൗരന്മാർക്കും രോഗികൾക്കും പ്രയാസമുണ്ടാക്കും. സാധാരണക്കാർ കടുത്ത ശബ്ദ മലിനീകരണം നേരിടുന്നു" മന്ത്രി പറഞ്ഞു.

അലഹബാദ് ഹൈക്കോടതി ഉത്തരവ് അനുസരിച്ച് പള്ളികളിലെ ഉച്ചഭാഷിണികളുടെ ശബ്​ദ പരിധി നിശ്ചയിക്കണം. അനാവശ്യമായ ഉച്ചഭാഷിണികൾ നീക്കം ചെയ്യണം -മന്ത്രി ആവശ്യപ്പെട്ടു. കഴിഞ്ഞ ദിവസം അലഹബാദ് യൂനിവേഴ്‌സിറ്റി വൈസ് ചാൻസലർ സംഗീത ശ്രീവാസ്തവയും സമാനമായ പരാതി നൽകിയിരുന്നു. അതിരാവിലെ ഉച്ചഭാഷിണിയിൽ ബാങ്ക്​ വിളിക്കുന്നതിനാൽ ഉറക്കം ശരിയാകുന്നില്ലെന്നും ഇത്​ ദിവസം മുഴുവൻ തലവേദനക്ക്​ കാരണമാകുന്നു​വെന്നുമായിരുന്നു സംഗീതയുടെ പരാതി. ഉറക്കമില്ലാത്തത്​ തന്‍റെ ജോലിയെ ബാധിക്കുന്നുണ്ടെന്നും ബാങ്ക്​ വിളി ശബ്​ദം ക്രമീകരിക്കണമെന്നും സംഗീത ആവശ്യ​​പ്പെട്ടിരുന്നു.

Show Full Article
TAGS:Anand Swaroop Shukla azan mosque UP bjp 
News Summary - volume of loudspeakers at mosques azan should be fixed -UP minister Anand Swaroop Shukla
Next Story