Begin typing your search above and press return to search.
proflie-avatar
Login
exit_to_app
exit_to_app
ഐ.പി.എൽ നിർത്തിയപ്പോൾ കോവിഡ്​ രക്ഷാദൗത്യവുമായി കോഹ്​ലി മുംബൈയിൽ; കൈയടിച്ച്​ സമൂഹ മാധ്യമങ്ങൾ
cancel
Homechevron_rightNewschevron_rightIndiachevron_rightഐ.പി.എൽ നിർത്തിയപ്പോൾ...

ഐ.പി.എൽ നിർത്തിയപ്പോൾ കോവിഡ്​ രക്ഷാദൗത്യവുമായി കോഹ്​ലി മുംബൈയിൽ; കൈയടിച്ച്​ സമൂഹ മാധ്യമങ്ങൾ

text_fields
bookmark_border

മുംബൈ: രാജ്യത്ത്​ ഐ.പി.എൽ നിർത്തിയപ്പോൾ അതുവരെയും ബാംഗ്ലൂർ ടീമിനെ നയിച്ച്​ മൈതാനത്തുണ്ടായിരുന്ന സൂപർ താരം വി​രാട്​ കോഹ്​ലിക്ക്​ പുതിയ ദൗത്യം. മുംബൈയിൽ കോവിഡ്​ ബാധിതർക്ക്​ സമാശ്വാസമെത്തിക്കുകയെന്ന ശ്രമകരമായ ​ഉത്തരവാദിത്വമാണ്​ സ്വയം ഏറ്റെടുത്ത്​ കോഹ്​ലി ഇറങ്ങിയത്​. പത്​നിയും ബോളിവുഡ്​ താരവുമായ അനുഷ്​കയുമൊത്ത്​ സ്​ഥാപിച്ച ഫൗണ്ടേഷന്‍റെ ബാനറിലാണ്​ കോവിഡ്​ കാല സമാശ്വാസ പ്രവർത്തനങ്ങൾ നടത്തുക.

ബയോ ബബ്​ളിൽ സുരക്ഷിതമെന്നു കരുതിയിരുന്ന ഐ.പി.എല്ലിൽ കഴിഞ്ഞ ദിവസങ്ങളിൽ വ്യാപകമായി കോവിഡ്​ സ്​ഥിരീകരിച്ചിരുന്നു. ആദ്യം കൊൽക്കത്ത താരങ്ങളായ വരുൺ ചക്രവർത്തി, സന്ദീപ്​ വാര്യർ എന്നിവർക്കും പിന്നീട്​ ചെന്നൈ ബൗളിങ്​ കോച്ച്​ ബാലാജി, ബാറ്റിങ്​ കോച്ച്​ മൈക്​ ഹസി എന്നിവർക്കും കോവിഡ്​ സ്​ഥിരീകരിച്ചു. പിറകെ ഹൈദരാബാദ്​ നിരയിൽ വൃദ്ധിമാൻ സാഹ, ഡൽഹി താരം അമിത്​ മിശ്ര എന്നിവരും കോവിഡ്​ ബാധിതരായി. കൂടുതൽ പേരിലേക്ക്​ അതിവേഗം പടരുമെന്ന്​ കണ്ട്​ അടിയന്തരമായി കളി നിർത്തിവെക്കുകയായിരുന്നു. വിദേശ താരങ്ങളിൽ പലരും നാട്ടിലേക്ക്​ മടങ്ങി. അവശേഷിച്ചവരെ നാട്ടിലെത്തിക്കാൻ തിരക്കിട്ട ശ്രമങ്ങൾ പുരോഗമിക്കുകയാണ്​. ഇതിനിടെയാണ്​ അവധിക്കാലം മാറ്റിവെച്ച്​ കോവിഡ്​ രക്ഷാപ്രവർത്തനങ്ങളുമായി കോഹ്​ലി ഇറങ്ങിയത്​. ഇതിന്‍റെ ചിത്രങ്ങൾ സമൂഹ മാധ്യമം വഴി പങ്കുവെച്ചിരുന്നു. കൂടെയുണ്ടാകുമെന്ന്​ അനുഷ്​കയും വിഡിയോ സന്ദേശത്തിൽ അറിയിച്ചു.

വാർത്തയും ചിത്രങ്ങളും പുറത്തെത്തിയതോടെ ആരാധകർ പിന്തുണയുമായി സമൂഹ മാധ്യമങ്ങളിൽ രംഗത്തെത്തിയിട്ടുണ്ട്​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Mumbai NewsVirat KohliCovid Aid
News Summary - Virat Kohli Comes in Aid for Covid-Ravaged Mumbai, Just a Day After IPL Suspension
Next Story