Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഅസം-മിസോറാം...

അസം-മിസോറാം അതിർത്തിയിൽ സംഘർഷം; മുഖ്യമന്ത്രിമാർ ഫോണിൽ ചർച്ച നടത്തി

text_fields
bookmark_border
അസം-മിസോറാം അതിർത്തിയിൽ സംഘർഷം; മുഖ്യമന്ത്രിമാർ ഫോണിൽ ചർച്ച നടത്തി
cancel
camera_alt

സംഘർഷത്തെ തുടർന്ന്​ അഗ്​നിക്കിരയാക്കപ്പെട്ട വീടുകളിലൊന്ന്​

ഗുവാഹത്തി: അസം-മിസോറാം സംസ്​ഥാനങ്ങളുടെ അതിർത്തിയിൽ ഒ​ട്ടേറെ പേർക്ക്​ പരിക്കേൽക്കാനിടയാക്കിയ സംഘർഷത്തെ തുടർന്ന്​ ഇരുസംസ്​ഥാനങ്ങളിലെയും മുഖ്യമന്ത്രിമാർ ചർച്ച നടത്തി. അസമിലെ കച്ചാർ ജില്ലയും മിസോറാമി​ലെ കൊളാസിബ്​ ജില്ലയും അതിർത്തി പങ്കിടുന്ന പ്രദേശങ്ങളിലാണ്​ സംഘർഷമുണ്ടായത്​. അതിർത്തിക്കിരുപുറമുള്ള ആളുകൾ ഏറ്റുമുട്ടിയ അക്രമസംഭവങ്ങളെ തുടർന്ന്​ നിരവധി വീടുകൾ അഗ്​നിക്കിരയാക്കപ്പെട്ടു. നിരവധി വാഹനങ്ങളും യാത്രക്കാരും അതിർത്തിയിൽ കുടുങ്ങിക്കിടക്കുകയാണ്​. വിഷയത്തിൽ ഇട​പെട്ട കേ​ന്ദ്ര സർക്കാർ, ഇരുസംസ്​ഥാനങ്ങളെയും ഇന്ന്​ ചർച്ചക്ക്​ വിളിച്ചിട്ടുണ്ട്​.

അസം മുഖ്യമന്ത്രി സർബാനന്ദ സോനോവാൾ സംഘർഷ​ത്തെക്കുറിച്ച്​ പ്രധാനമ​ന്ത്രി നരേന്ദ്ര മോദിയുടെ ഓഫിസിനും കേന്ദ്ര ആഭ്യന്തര മന്ത്രാലയത്തിനും വിവരങ്ങൾ നൽകി. മിസോറാം മുഖ്യമന്ത്രി സൊറാംതാംഗയുമായി അദ്ദേഹം ഫോണിൽ സംസാരിച്ചു. അതിർത്തിയിലെ പ്രശ്​നങ്ങൾ ഇരുകൂട്ടരും യോജിച്ച്​ രഞ്​ജിപ്പിൽ പരിഹരിക്കുന്നതിന്​ ശ്രമിക്കുമെന്ന്​ അസം സർക്കാർ പ്രസ്​താവനയിൽ വ്യക്​തമാക്കി. അന്തർ സംസ്​ഥാന അതിർത്തിയിൽ സമാധാനം ഉറപ്പുവരുത്താനുള്ള എല്ലാ ശ്രമങ്ങൾക്കും തങ്ങളുടെ പിന്തുണയുണ്ടാകുമെന്ന്​ സൊറാംതാംഗയും പറഞ്ഞു.

സ്​ഥിതിഗതികൾ ചർച്ച ചെയ്യാൻ ഇരു സംസ്​ഥാനങ്ങളെയ​​ും കേന്ദ്ര ആഭ്യന്തര സെക്രട്ടറി അജയ്​ കുമാർ ഭല്ലയാണ്​ തിങ്കളാഴ്​ച ചർച്ചക്ക്​ വിളിച്ചത്​. ഇരു സംസ്​ഥാനങ്ങളുടെയും ചീഫ്​ സെക്രട്ടറിമാർ യോഗത്തിൽ പ​ങ്കെടുക്കും.

മിസോറാം അധികൃതർ, ട്രക്ക്​ ഡ്രൈവർമാർക്കായി തുടങ്ങിയ കോവിഡ്​ 19 പരിശോധന കേന്ദ്രവുമായി ബന്ധപ്പെട്ടാണ്​ ​ശനിയാഴ്​ച സംഘർഷം തുടങ്ങിയത്​. തങ്ങളുടെ അനുമതിയില്ലാതെയാണ്​ ഇത്​ ആരംഭിച്ചതെന്നാണ്​ അസം അധികൃതരുടെ വാദം. ഇതിനിടയിൽ മിസോറാം ഭാഗത്തുനിന്നുള്ള യുവാക്കൾ ലൈലാപൂരിലേക്ക്​ സംഘടിച്ചെത്തി ട്രക്ക്​ ഡ്രൈവർമാരെയും ഗ്രാമീണരെയും ആക്രമി​ച്ചെന്നും 15ലധികം കടകളും വീടുകളും അഗ്​നിക്കിരയാക്കി. തുടർന്ന്​ അസം ഭാഗത്തുള്ളവരും തിരിച്ചടിക്കാനിറങ്ങിയതോടെ സംഘർഷം കനക്കുകയായിരുന്നു. നിലവരിൽ സ്​ഥിതിഗതികൾ ഏറക്കുറെ നിയന്ത്രണ വിധേയമാണെന്ന്​ ഇരു സംസ്​ഥാന അധികൃതരും വിശദീകരിക്കുന്നു.

Show Full Article
TAGS:Assam Mizoram Border Clash 
Web Title - Violent Clash at Assam-Mizoram Border; Many Injured
Next Story