വിനോദ്​ ദുവക്കെതിരായ രാജ്യ​േ​ദ്രാഹകേസ്​ റദ്ദാക്കാനാകില്ലെന്ന്​ സുപ്രീംകോടതി; അറസ്​റ്റ് താൽകാലികമായി തടഞ്ഞു

ന്യൂഡൽഹി: ഡൽഹി കലാപവുമായി ബന്ധപ്പെട്ട്​ മാധ്യമപ്രവർത്തകൻ വിനോദ്​ ദുവക്കെതിരെ ചുമത്തിയ രാജ്യ​േ​ദ്രാഹകേസ്​ റദ്ദാക്കാനാകില്ലെന്ന്​ സുപ്രീംകോടതി. അടുത്ത വാദം കേൾക്കുന്ന ജൂലൈ ആറുവരെ അറസ്​റ്റ്​ ചെയ്യരുതെന്നും കോടതി അറിയിച്ചു. എഫ്​.ഐ.ആർ ഈ ഘട്ടത്തിൽ സ്​റ്റേ ചെയ്യാനാകില്ല. അന്വേഷണവുമായി സഹകരിക്കണമെന്നും ആവശ്യപ്പെട്ടു. 24 മണിക്കൂർ മുൻകൂർ നോട്ടീസ്​ നൽകിയ ശേഷം പൊലീസിന് ദുവയെ ഡൽഹിയിലെ വസതിയിൽവെച്ച്​ ചോദ്യം ചെയ്യാനും അനുമതി നൽകി. കേസിൽ രണ്ടാഴ്​ചക്കകം മറുപടി നൽകാനും കേന്ദ്രസർക്കാരിനും ഹിമാചൽ പ്രദേശ്​ സർക്കാരിനും​ സുപ്രീംകോടതി നിർദേശം നൽകി. 

ഡല്‍ഹി കലാപവുമായി ബന്ധപ്പെട്ട് ബി.ജെ.പി നേതാക്കള്‍ നടത്തിയ പ്രസ്താവനകൾ വാർത്ത പരിപാടിയിൽ പരാമര്‍ശിച്ചതിന് ഹിമാചൽ പ്രദേശ് പൊലീസ് രജിസ്​റ്റർ ചെയ്ത രാജ്യദ്രോഹ കേസിൽ അറസ്​റ്റ്​ തടയണം എന്നാവശ്യപ്പെട്ട് വിനോദ് ദുവ സുപ്രീം കോടതിയിൽ ഹരജി സമർപ്പിക്കുകയായിരുന്നു​. അടിയന്തരമായി അറസ്​റ്റ്​ തടയണ​െമന്ന ദുവയുടെ ഹരജി പരിഗണിച്ചാണ്​​ അവധി ദിവസമായ ഞായറാഴ്​ച  ജസ്​റ്റിസുമാരായ യു.യു. ലളിത്, എം. ശാന്തനഗൗഡർ, വിനീത് ശരൺ എന്നിവർ അടങ്ങിയ ബെഞ്ചാണ്​ സിറ്റിങ് ​നടത്തിയത്​.

ഡൽഹി കലാപവുമായി ബന്ധപ്പെട്ട് വിനോദ് ദുവ ഊഹാപോഹങ്ങൾ പ്രചരിപ്പിച്ചുവെന്ന് ആരോപിച്ച് ബി.ജെ.പി വക്താവ് നവീൻ കുമാർ നൽകിയ പരാതിയിൽ ഡൽഹി പൊലീസ് കേസ് രജിസ്​റ്റർ ചെയ്തിരുന്നു. ഈ കേസി​​െൻറ അന്വേഷണവും ദുവയുടെ അറസ്​റ്റും ഡൽഹി ഹൈകോടതി സ്​റ്റേ ചെയ്തിരുന്നു. ഇതിന് പിന്നാലെയാണ് ദുവക്കെതിരെ ബി.ജെ.പി പ്രവർത്തകർ നൽകിയ പരാതിയിൽ ഹിമാചൽ പ്രദേശ് പൊലീസ് രാജ്യദ്രോഹം ഉൾപ്പടെ വകുപ്പുകൾ ചുമത്തി കേസെടുത്തത്.