Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_right‘മരിച്ചയാൾ ഇനി ഒന്നും...

‘മരിച്ചയാൾ ഇനി ഒന്നും പറയില്ല’-ദുബെയെ ​കൊന്നത്​ രഹസ്യങ്ങൾ മൂടിവെക്കാനെന്ന്​ പ്രമുഖർ

text_fields
bookmark_border
‘മരിച്ചയാൾ ഇനി ഒന്നും പറയില്ല’-ദുബെയെ ​കൊന്നത്​ രഹസ്യങ്ങൾ മൂടിവെക്കാനെന്ന്​ പ്രമുഖർ
cancel

ന്യൂഡൽഹി: കൊടുംകുറ്റവാളി വികാസ്​ ദുബെയെ യു.പി പൊലീസ്​ കൊന്നത്​ ബി.ജെ.പി നേതാക്കളടക്കമുള്ളവരുടെ ബന്ധം മൂടിവെക്കാനാണെന്ന്​ ആരോപണം. ‘സർക്കാർ രഹസ്യങ്ങൾ സുരക്ഷിതമായെന്ന്​’ ദുബെയുടെ കൊലപാതകത്തിന്​ പിന്നാലെ സമാജ്‌വാദി പാർട്ടി അധ്യക്ഷൻ അഖിലേഷ് യാദവ്​ ട്വീറ്റ്​ ചെയ്​തു. “കാർ മറിച്ചിട്ടതല്ല, പക്ഷേ സർക്കാർ അട്ടിമറിയിൽനിന്ന് രക്ഷപ്പെട്ടു” അദ്ദേഹം ട്വിറ്ററിൽ കുറിച്ചു.

‘അയാളെ സംരക്ഷിച്ചവരെ എന്തു ചെയ്യും?’

‘‘കുറ്റവാളിയെ ഇല്ലാതാക്കി. അയാൾക്കും അയാളുടെ കുറ്റകൃത്യങ്ങൾക്കും സംരക്ഷണം നൽകിയവരുടെ കാര്യത്തിൽ ഇനി എന്താണ്​ ചെയ്യാൻ പോകുന്നത്​’’ -​ പ്രിയങ്ക ഗാന്ധി ചോദിച്ചു.

ജുഡീഷ്യറിയുടെ പണികൂടി ​പൊലീസ്​ ചെയ്യുന്നു

ബി.ജെ.പി ഭരിക്കു​േമ്പാൾ ജുഡീഷ്യറിയുടെ പണികൂടി ​പൊലീസാണ്​ ചെയ്യുന്നതെന്ന്​ തൃണമൂൽ കോൺഗ്രസ് നേതാവും എം.പിയുമായ മഹുവ മൊയ്‌ത്ര പറഞ്ഞു. ‘പ്രതികളെ കോടതികളിൽ എത്തിക്കുക എന്നതാണ് പൊലീസി​​െൻറ ജോലി. നീതി ലഭ്യമാക്കുകയെന്നത് കോടതിയുടെ ജോലിയാണ്. ബി.ജെ.പിയുടെ കീഴിലുള്ള ഇന്ത്യയിൽ ഇരുകൂട്ടരും ആശയക്കുഴപ്പത്തിലാണ്​" അവർ ട്വീറ്റ്​ ചെയ്​തു.

‘ആ കമ്പനിയിൽനിന്ന്​ എങ്ങനെയാണ്​ ഇനി കാർ വാങ്ങുക’
മഴയത്ത്​ കാർ നിയ​ന്ത്രണം വിട്ട്​ മറിഞ്ഞതാണെന്ന ​പൊലീസ്​ വാദത്തെ പരിഹസിച്ച്​ കോൺഗ്രസ്​ വക്​താവ്​ രാജീവ്​ ത്യാഗി രംഗത്തെത്തി. ‘‘ചെറിയ ചാറ്റൽ മഴയിൽ പോലും കാർ മറിയുന്നുവെങ്കിൽ, ആ കമ്പനിയിൽനിന്ന്​ എങ്ങനെയാണ്​ ഇനി കാർ വാങ്ങുക? സംഭവത്തിനിടെ ഓടിപ്പോയ പൊലീസുകാർക്ക് വീണ്ടും പരിശീലനം നൽകണം’’ അദ്ദേഹം ട്വിറ്റിൽ കുറിച്ചു.

‘മുൻനിര നേതാക്കൾക്കുള്ള അടുപ്പം ഞെട്ടിക്കുന്നു’
“വികാസ് ദുബെ മരിക്കാൻ അർഹനാണ്. പക്ഷേ, പൊലീസി​​െൻറ കൈകളാലല്ല,  കോടതിയുടെ ഉത്തരവനുസരിച്ചാകണം തൂക്കിലേറ്റേണ്ടത്. യുപി ഗവൺമ​െൻറിന് നീതിന്യായ സംവിധാനത്തിലുള്ള വിശ്വാസം നഷ്ടപ്പെട്ടുവോ? നീണ്ട ക്രിമിനൽ ചരിത്രമുള്ള ഇയാളുമായി മുൻനിര നേതാക്കൾക്കുള്ള അടുപ്പം ഞെട്ടിക്കുന്നതാണ്​’ -രാജ്യസഭാ എം‌.പിയായ വിവേക് ​​തങ്ക അഭിപ്രായപ്പെട്ടു.  

‘വികാസ്​ ദുബെ; മരിച്ചയാൾ ഇനി കഥകളൊന്നും പറയില്ല’ എന്നാണ്​ നാഷനൽ കോൺഫറൻസ് നേതാവും ജമ്മു കാശ്​മീർ മുൻ മുഖ്യമന്ത്രിയുമായ ഉമർ അബ്ദുല്ല ട്വീറ്റ് ചെയ്തത്​.

"ഏറ്റുമുട്ടൽ കൊല ഒഴിവാക്കാനുള്ള തന്ത്രമായാണ്​ വികാസ്​ ദുബെ അറസ്​റ്റിന്​ വഴങ്ങിയതെന്നാണ്​ മുതിർന്ന പൊലീസ് ഉദ്യോഗസ്ഥർ പറയുന്നത്. അങ്ങനെയെങ്കിൽ അ​യാൾ ഓടി രക്ഷപ്പെടാൻ ശ്രമിച്ചുവെന്ന്​ പറയുന്നതിൽ അർത്ഥമില്ല. ദുബെയ്ക്ക് ശക്തമായ രാഷ്ട്രീയ ബന്ധമുണ്ടായിരുന്നു. അവരുടെ പേരുകൾ വെളിപ്പെടുത്തില്ലെന്ന് ഉറപ്പാക്കാനാണോ കൊല്ലപ്പെട്ടത്?’’ -കോൺഗ്രസ് വക്താവ് ഷമ മുഹമ്മദ് ചോദിച്ചു. 

 ‘ഏറ്റുമുട്ടൽ നടക്കുന്നതിന് മണിക്കൂറുകൾക്ക് മുമ്പ് തന്നെ അങ്ങനെ ഒന്ന്​ സംഭവിക്കുമെന്ന്​ രാജ്യത്തെ ജനങ്ങൾ പ്രവചിക്കുന്നു. ഇന്ത്യയിലെ നീതിന്യായ വ്യവസ്ഥയും രാഷ്ട്രീയവും തമ്മിലുള്ള വൃത്തികെട്ട അവിശുദ്ധ ബന്ധമാണ്​ ഇത്​ തെളിയിക്കുന്നത്​’‘ മാധ്യമപ്രവർത്തകയും എഴുത്തുകാരിയുമായ റാണ അയ്യൂബ്​ അഭിപ്രായപ്പെട്ടു.

വെടിവെപ്പിനെ കുറിച്ച്​ ജുഡീഷ്യൽ അന്വേഷണം വേണമെന്ന് സി.പി.ഐ (എം.എൽ) നേതാവ് ദിപങ്കർ ഭട്ടാചാര്യ ആവശ്യപ്പെട്ടു. 
 

Show Full Article
TAGS:encounter up yogi india news malayalam news 
Next Story