വിജയ്​ മല്യക്കെതിരെ ജാമ്യമില്ലാ വാറണ്ട്​

ന്യൂഡൽഹി: മദ്യ വ്യവസായി വിജയ്​ മല്യക്കെതിരെ ​ഡൽഹി ഹൈ​േകാടതി ജാമ്യമില്ലാ വാറണ്ട്​ പുറപ്പിടുവിച്ചു. നിരന്തരം കോടതി ഉത്തരവുകൾ അവഗണിച്ചതിനും ഫെറ നിയമം ലംഘിച്ചതിനുമാണ് കോടതിയുടെ നടപടി. വിജയ്​ മല്യക്ക്​ രാജ്യത്തെ നിയമങ്ങളോട്​ ​ അൽപം പോലും ബഹുമാനമില്ലെന്നും ഇന്ത്യയിലേക്ക് തിരിച്ചു വരാൻ മല്യക്ക്​ ഉദ്ദേശമില്ലെന്നും കോടതി പറഞ്ഞു.  ഇന്ത്യയിലേക്ക് തിരിച്ചുവരാൻ ഉദ്ദേശിക്കുന്നതായി മല്യ പറയുന്നുണ്ടെങ്കിലും അദ്ദേഹത്തിന്‍റെ പ്രവൃത്തികൾ ഇതിന് വിരുദ്ധമാണ്.

പാസ്പോർട്ട് ഇല്ലാത്തതിനാൽ വ്യക്തിപരമായി കോടതിയിൽ ഹാജരാകുന്നതിൽ നിന്ന് ഒഴിവാക്കണം എന്നായിരുന്നു മല്യയുടെ വാദം. എന്നാൽ, യാത്രാരേഖകൾ നൽകാൻ തയാറാണെന്ന് എൻഫോഴ്മെന്‍റ് ഡയറക്ടറേറ്റ് അറിയിച്ചു.

സ​ുപ്രീം കോടതി കഴിഞ്ഞ ആഴ്​ച ഡിയാഗോയിൽ നിന്ന്​ സ്വീകരിച്ച 40 മില്യൺ ഡോളറി​​െൻറതുൾപ്പടെയുള്ള സ്വത്ത്​ വിവരം വെളിപ്പെടുത്തുന്നതിനായി വിജയ്​ മല്യക്ക്​ നാലാഴ്​ചത്തെ സമയമനുവദിച്ചിരുന്നു. ഇ​േപ്പാൾ ഇന്ത്യയിലെ വിവിധ ബാങ്കുകളിലായി വിജയ്​ മല്യക്ക്​ എകദേശം 9000 കോടി രൂപയുടെ ബാധ്യതയു​ണ്ടെന്നാണ്​ കണക്കാക്കുന്നത്​.

8000 കോടി രൂപയോളം വില മതിക്കുന്ന വിജയ്​ മല്യയുടെ സ്വത്തുവകകൾ ഇപ്പോൾ തന്നെ എൻഫോഴ്​സമ​െൻറ്​ ഡയറക്​ട​േററ്റ്​ എറ്റെടുത്തു കഴിഞ്ഞതായാണ്​ വിവരം. 6,027 കോടിയുടെ വായ്പയുമായി ബന്ധപ്പെട്ട്​ എൻഫോഴ്​സ്​​െമൻറ്​ ഡയറക്​ട​േററ്റ്​ വിജയ്​ മല്യക്കെതിരെ പുതിയൊരു കേസുകൂടി രജിസ്​റ്റർ ചെയ്​തിട്ടുണ്ട്​.