നാലാഴ്ചക്കകം സ്വത്ത് വെളിപ്പെടുത്തണമെന്ന് വിജയ്​മല്യയോട് സുപ്രീംകോടതി

ന്യൂഡൽഹി: ഇന്ത്യൻ മദ്യവ്യവസായി വിജയ്​ മല്യ നാലാഴ്​ച്ചക്കകം വിദേശത്തുള്ള സ്വത്തുകളുടെ വിവരങ്ങൾ വെളിപ്പെടുത്തണമെന്ന്​ സുപ്രീംകോടതി ഉത്തരവിട്ടു. ബ്രിട്ടീഷ് കമ്പനിയായ ഡിയാഗോയിൽ നിന്ന്​ സ്വീകരിച്ച പണമുൾപ്പടെ വിദേശത്തുളള മുഴുവൻ സ്വത്തുകളുടെയും വിവരങ്ങൾ വെളിപ്പെടുത്താനാണ് സുപ്രീംകോടതി വിജയ്​ മല്യക്ക്​ സമയം നീട്ടി നൽകിയത്​. 

ഡിയാഗോയിൽ നിന്ന്​ സ്വീകരിച്ച 40 മില്യൺ ഡോളർ അടക്കമുള്ള സ്വത്തുവിവരങ്ങൾ വിജയ്​ മല്യ കോടതിക്കു നൽകിയ രേഖകളിൽ വ്യക്തമാക്കിയിട്ടില്ല. മാത്രമല്ല, കോടതി നിർദ്ദേശിച്ച രൂപത്തിലല്ല വിജയ്​ മല്യ വിവരം വെളിപ്പെടുത്തിയിരിക്കുന്നത്​. ഇക്കാര്യങ്ങളിൽ കൃത്യത വരുത്താനാണ്​ മല്യക്ക്​ നാലാഴ്ച്ചത്തെ സമയം കൂടി അനുവദിക്കുന്നതെന്ന് സുപ്രീംകോടതി ഉത്തരവിൽ പറയുന്നു.

ഇന്ത്യയിലെ 17 ബാങ്കുകളിൽ നിന്ന്​ എകദേശം 900​ കോടി രൂപയോളം കടമെടുത്ത്​ തിരിച്ചടക്കാതെയാണ്​ വിജയ്​ മല്യ ഇന്ത്യ വിട്ടത്​. ഇൗ ബാങ്കുകളുടെ കൺസോർഷ്യമാണ് പണം തിരിച്ചു കിട്ടുന്നതിനായാണ് സുപ്രീംകോടതിയെ സമീപിച്ചിരിക്കുന്നത്​.