യു.പിയിൽ വെടിവെച്ചിട്ടില്ലെന്ന പൊലീസ്​ വാദം തെറ്റ്​; ദൃശ്യങ്ങൾ പുറത്ത്​ VIDEO

ലഖ്​നോ: യു.പിയിൽ ​പ്രതിഷേധകാർക്ക്​ നേരെ വെടിവെച്ചിട്ടില്ലെന്ന പൊലീസ്​ വാദംതെറ്റെന്ന്​ തെളിയിക്കുന്ന രേഖകൾ പുറത്ത്​. യു.പിയിൽ കഴിഞ്ഞ ദിവസം മരിച്ചവരിൽ ഭൂരിപക്ഷത്തിനും വെടിയേറ്റുവെന്ന റിപ്പോർട്ടുകളാണ്​ പുറത്ത്​ വരുന്നത്​. പ്രതിഷേധകാർക്ക്​​ ​നേരെ വെടിയുതിർത്തില്ലെന്ന പൊലീസി​​​െൻറ അവകാശവാദത്തിന്​ വിരുദ്ധമാണ്​ ഇപ്പോൾ പുറത്ത്​ വരുന്ന വാർത്തകൾ.

കാൺപൂരിൽ പ്രതിഷേധകാർക്ക്​​ നേരെ പൊലീസ്​ വെടിയുതിർക്കുന്നതി​​​െൻറ വിഡിയോ ദൃശ്യങ്ങളും പുറത്ത്​ വന്നിട്ടുണ്ട്​. ജാക്കറ്റും ഹെൽമറ്റും ധരിച്ച്​ തോക്കുമായി നിൽക്കുന്ന പൊലീസുകാര​​​െൻറ ദൃശ്യങ്ങളാണ്​ പുറത്ത്​ വന്നത്​. തെരുവ​ി​​െൻറ ഒരു മൂലയിൽ നിന്ന്​ പൊലീസുകാരൻ വെടിവെക്കുന്നതും ദൃശ്യങ്ങളിലുണ്ട്​.

യു.പി ഡി.ജി.പി ഒ.പി സിങ്​ പൊലീസ്​ വെടിവെച്ചുവെന്ന വാദം നിരാകരിച്ചിരുന്നു. ഇതിന്​ പിന്നാലെയാണ്​ പുതിയ തെളിവുകൾ പുറത്ത്​ വരുന്നത്​.