വ്യോമസേന ഉപമേധാവിക്ക്​ അബദ്ധത്തിൽ വെടിയേറ്റു

ന്യൂഡൽഹി: വ്യോമസേന ഉപമേധാവി എയർ മാർഷൽ ശിരിഷ്​ ബബാൻ ഡിയോക്ക്​ അബദ്ധത്തിൽ വെടിയേറ്റു. തോക്ക്​ തുടച്ചു വൃത്തിയാക്കുന്നതിനിടയിൽ അബദ്ധത്തിൽ തുടയിലേക്ക്​ വെടിയേൽക്കുകയായിരുന്നു.

പരിക്കേറ്റ അദ്ദേഹത്തെ ഡൽഹിയിലെ ആർമി റിസർച്ച്​ ​ആശുപത്രിയിൽ പ്രവേശിപ്പിച്ചു. എയർ മാർഷലിനെ​ അടിയന്തര ശസ്​ത്രക്രിയക്ക്​ വിധേയനാക്കി. അദ്ദേഹത്തി​​​െൻറ ആരോഗ്യനിലയിൽ ആശങ്കപ്പെടേണ്ടതില്ലെന്ന്​ ആശുപത്രി അധികൃതർ അറിയിച്ചു.
ജൂലൈയിലാണ്​ വ്യോമസേന ഉപമേധാവിയായി സ്ഥാനമേറ്റത്​. മഹാരാഷ്​ട്ര നാഗ്​പുർ സ്വദേശിയായ അദ്ദേഹം 1979ലാണ്​ വ്യോമസേനയിൽ ചേർന്നത്​.