Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമതവികാരം...

മതവികാരം വ്രണപ്പെടുത്തുന്നത്​; കേരള ടൂറിസത്തിൻെറ ബീഫ്​ ട്വീറ്റിനെതിരെ വി.എച്ച്​.പി

text_fields
bookmark_border
മതവികാരം വ്രണപ്പെടുത്തുന്നത്​; കേരള ടൂറിസത്തിൻെറ ബീഫ്​ ട്വീറ്റിനെതിരെ വി.എച്ച്​.പി
cancel

ന്യൂഡൽഹി: ​കേരള ടൂറിസം ഔദ്യോഗിക ട്വിറ്റർ പേജിൽ ബീഫിൻെറ ചിത്രം പോസ്​റ്റ്​ ചെയ്​തതിനെതിരെ പ്രതിഷേധവുമായി വി .എച്ച്​.പി. ടൂറിസത്തെ ​പ്രമോട്ട്​ ചെയ്യാനാണോ ബീഫിന്​ പ്രചാരമുണ്ടാക്കാനാണോ കേരള ടൂറിസത്തിൻെറ ട്വിറ്റർ പേജെ ന്ന്​ വി.എച്ച്​.പി നേതാവ്​ വിനോദ്​ ബൻസാൽ ചോദിച്ചു.

ട്വീറ്റ്​ പശുവിനെ ആരാധിക്കുന്നവരുടെ മതവികാരം വ്രണപ്പെടുത്തുന്നതാണെന്ന്​ നിങ്ങൾക്ക്​ തോന്നുന്നില്ലേ. ശങ്കരാചാര്യരുടെ നാട്ടിൽ നിന്നാണോ ഇത്തരമൊരു ട്വീറ്റ്​ വന്നതെന്നും അദ്ദേഹം ചോദിച്ചു. കേരള ഗവർണർ ആരിഫ്​ മുഹമ്മദ്​ ഖാനെയും ടൂറിസം മന്ത്രി കടകംപള്ളി സുരേന്ദ്രനേയും വിനോദ്​ ബൻസാൽ ടാഗ്​ ചെയ്​തിട്ടുണ്ട്​. കേരള ടൂറിസത്തെ ഉപദേശിക്കണമെന്ന്​ ഇരുവരോടും ട്വീറ്റിൽ ആവശ്യപ്പെടുന്നുണ്ട്​.

ബീഫ്​ ഉലത്തിയതിനെ കുറിച്ചായിരുന്നു ചിത്രസഹിതം കേരള ടൂറിസം വകുപ്പ്​ ട്വീറ്റ്​ ചെയ്​തതത്​. സുഗന്ധവ്യഞ്​ജനങ്ങളുടെ നാട്ടിൽ നിന്നുമുള്ള ഡിഷ്​ എന്ന പേരിലായിരുന്നു ട്വീറ്റ്​.

Show Full Article
TAGS:kerala tourism Beef Tweet india news malayalam news 
Next Story