Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right'സേനയിലെ...

'സേനയിലെ മുസ്​ലിംകളെക്കുറിച്ച്​ നുണപ്രചരിപ്പിക്കുന്നു'; റിട്ടയേഡ്​ ജവാൻമാർ പ്രധാനമന്ത്രിക്ക്​ കത്തെഴുതി

text_fields
bookmark_border
സേനയിലെ മുസ്​ലിംകളെക്കുറിച്ച്​ നുണപ്രചരിപ്പിക്കുന്നു; റിട്ടയേഡ്​ ജവാൻമാർ പ്രധാനമന്ത്രിക്ക്​ കത്തെഴുതി
cancel

ന്യൂഡൽഹി: സേനയിലെ മുസ്​ലിംകളെക്കുറിച്ച്​ നുണപ്രചരിപ്പിക്കുന്നത്​ തടയണമെന്നാവശ്യപ്പെട്ട്​ 120ഓളം റിട്ടയേഡ്​ ജവാൻമാർ പ്രധാനമന്ത്രി നരേന്ദ്രമോദിക്കും രാഷ്​ട്രപതി രാംനാഥ്​ കോവിന്ദിനും കത്തെഴുതി. ദേശീയ മാധ്യമമായ എൻ.ഡി.ടി.വിയാണ്​ ഇതുസംബന്ധിച്ച വാർത്ത റിപ്പോർട്ട്​ ചെയ്​തത്​.

1965ൽ പാകിസ്​താനെതിരായ യുദ്ധത്തിൽ പ​ങ്കെടുക്കാൻ വിസമ്മതിച്ചതിനെത്തുടർന്ന്​ ആർമിയിലെ മുസ്​ലിം റെജിമെൻറിനെ (സേനയിലെ പ്രത്യക വിഭാഗം) പിരിച്ചുവി​ട്ടെന്ന തരത്തിൽ​ സമൂഹമാധ്യമങ്ങളിലൂടെ വ്യാപകമായി വിദ്വേഷ പ്രചാരണം നടക്കുന്ന പശ്ചാത്തലത്തിലാണ്​ കത്തെഴുതിയത്​. ഇന്ത്യൻ ആർമി, ഇന്ത്യൻ നേവി, ഇന്ത്യൻ എയർഫോഴ്​സ്​ എന്നിവയിലെ മുൻഓഫീസർമാർ കത്തിൽ ഒപ്പുവെച്ചിട്ടുണ്ട്​.

ഇന്ത്യൻ ആർമിയിൽ ഒരു കാലത്തും മുസ്​ലിംകൾക്ക്​ പ്രത്യേകമായി റെജിമെൻറ്​ ഉണ്ടായിട്ടില്ല. ഇത്തരം നുണപ്രചാരണങ്ങൾ രാജ്യത്തി​െൻറ ഐക്യത്തെയും സുരക്ഷയെയും തകർക്കും. ഹവീൽദാർ അബ്​ദുൽ സമദ്​, മേജർ അബ്​ദുൽ റഫി ഖാൻ ഉൾപ്പെടെയുള്ള ജവാൻമാർ പാക്കിസ്താനെതിരായ യുദ്ധത്തിൽ വീരോചിതം പോരാടിയാവരാ​െണന്നും കത്തിലൂടെ ജവാൻമാർ ചൂണ്ടിക്കാട്ടി.

ഇത്തരം നുണകൾ തുടർച്ചായി പ്രചരിപ്പിക്കുന്നത്​ രാജ്യത്ത്​ മുസ്​ലിം വിരുദ്ധ വികാരം വളർത്തുന്നതാണെന്നും മുസ്​ലിം ജവാൻമാരുടെയും വിരമിച്ച ജവാൻമാരുടെയും അന്തസ്​ ചോദ്യം ചെയ്യുന്നതാണെന്നും കത്തിൽ ചൂണ്ടിക്കാച്ചിട്ടുണ്ട്​. മുൻ നേവി ചീഫ്​ അഡ്​മിറൽ എൽ.രാംദാസ്​ അടക്കമുള്ളവർ കത്തിൽ ഒപ്പുവെച്ചിട്ടുണ്ട്​.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:indian armyfake news‘Muslim Regiment’
Next Story