Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right'എം.എൽ.എമാരെ...

'എം.എൽ.എമാരെ വിലക്കുവാങ്ങുന്ന ബി.ജെ.പി നിലപാടിൽ ലജ്ജ തോന്നുന്നു'-ആത്മകഥയിൽ തുറന്നെഴുതി മുതിർന്ന നേതാവ്​

text_fields
bookmark_border
shanta kumar bjp
cancel
camera_altശാന്തകുമാർ

ന്യൂഡൽഹി: എം.എൽ.എമാരെ വിലക്കുവാങ്ങുന്ന തന്‍റെ പാർട്ടിയുടെ നിലപാടിൽ ലജ്ജ തോന്നുന്നുവെന്ന്​ മുതിർന്ന ബി.ജെ.പി നേതാവും ഹിമാചൽ പ്രദേശ് മുൻ മുഖ്യമന്ത്രിയുമായ ശാന്തകുമാർ. ചൊവ്വാഴ്ച പുറത്തിറങ്ങിയ തന്‍റെ ആത്മകഥയിലാണ്​ ശാന്തകുമാർ ഇക്കാര്യം തുറന്നെഴുതിയത്​​.

'എം‌.എൽ.‌എമാരുടെ കച്ചവടത്തിൽ എന്‍റെ പാർട്ടി ഇടപെട്ടതിൽ എനിക്ക് ലജ്ജ തോന്നുന്നു. മൂല്യവും ആദർശങ്ങളും കാരണമാണ്​ ആളുകൾ ബി.ജെ.പിയെ ലോകത്തിലെ ഏറ്റവും വലിയ പാർട്ടിയാക്കി മാറ്റിയത്​. പക്ഷേ ഇപ്പോൾ അതിന്​ അധികാരക്കൊതി മാത്രമാണുള്ളത്' -അദ്ദേഹം പുസ്​തകത്തിൽ പറഞ്ഞു​. പുതുച്ചേരിയിൽ ബി.ജെ.പി രാഷ്​ട്രീയ കുതിരക്കച്ചവടത്തിലൂടെ കോൺഗ്രസ്​ സർക്കാറിനെ താഴെയിറക്കിയ വേളയിൽ അദ്ദേഹത്തിന്‍റെ പുസ്​തകവും ചർച്ചയാകുകയാണ്​.

നയരഹിതമായ രാഷ്​ട്രീയത്തിന്​ സർക്കാരുകളെ മാത്രമേ മാറ്റാൻ കഴിയുകയുള്ളൂവെന്നും സമൂഹത്തെ മാറ്റാൻ കഴിയുകയില്ലെന്നും 'നീജ്​ പഥ്​ കാ അവിചൽ പന്തി' എന്ന പുസ്​​തകത്തിൽ അദ്ദേഹം എഴുതി. മുൻ പ്രധാനമന്ത്രി എ.ബി. വാജ്​പേയിയും താനുമടക്കമുള്ള ആളുകൾ രാഷ്​ട്രീയത്തിൽ ഇറങ്ങിയത്​ സർക്കാറുകളെ മാറ്റാനല്ലെന്നും മറിച്ച്​ സമൂഹത്തെ മാറ്റിയെടുക്കാനായിരുന്നുവെന്നും അദ്ദേഹം പറയുന്നു.

പുസ്​തകത്തിലെ ഒരു അധ്യായത്തിൽ പാർട്ടി മൂല്യങ്ങളിലും തത്വങ്ങളിലും യാതൊരു വിട്ടുവീഴ്ചയും നടത്തരുതെന്നും വിവേകാനന്ദനെ ആരാധിക്കു​േമ്പാൾ അദ്ദേഹത്തിന്‍റെ പാതയും നമ്മൾ പിന്തുടരേണ്ടതുണ്ടെന്നും അദ്ദേഹം സഹപ്രവർത്തകരെ ഓർമിപ്പിക്കുന്നു.

ജമ്മു കശ്​മീരിൽ ആർട്ടിക്ക്​ൾ 370 എടുത്ത്​ കളയാൻ നിയമനിർമാണം നടത്തിയ നരേന്ദ്ര മോദി സർക്കാർ തെരഞ്ഞെടുപ്പുകളിലെ കള്ളപ്പണമൊഴുക്ക്​ തടയാനും ക്രിമിനലുകൾ രാഷ്​ട്രീയത്തിൽ ഇറങ്ങുന്നത്​ തടയാനും നിയമം കൊണ്ടുവരണമെന്നും ശാന്തകുമാർ ആവശ്യപ്പെട്ടു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:MLAShanta KumarBJP
News Summary - veteran leader Shanta Kumar says in book Ashamed to see BJP involved MLA trading
Next Story