പ്രളയ ജലത്തിൽ കാൽ നനയാതിരിക്കാൻ കസേരയിൽ ചവിട്ടി എം.പി കാറിനടുത്തേക്ക്​ -വൈറൽ വിഡിയോ

ചെന്നൈ: പ്രളയ ജലത്തിൽ കാൽ നനയാതിരിക്കാൻ കസേരയിലൂടെ നടന്ന്​ തമിഴ്​നാട്ടിലെ എം.പി. വിടുതലൈ ചിരുതൈകൾ കക്ഷി നേതാവ്​ തോൽ തിരുമാവളവ​​നാണ്​ കാൽ നനയാതിരിക്കാൻ കസേരയിലൂടെ നടന്ന്​ കാറിൽ കയറാനെത്തിയത്​​.

സംഭവത്തിന്‍റെ വിഡിയോ സമൂഹമാധ്യമങ്ങളിൽ വൈറലായതോടെ എം.പിക്കെതിരെ വിമർശനങ്ങളും ട്രോളുകളും ശക്തമായി. എം.പിക്ക്​ ലഭിച്ച പ്രത്യേക പരിഗണനയെ ചോദ്യം ചെയ്​തും ചിലർ രംഗത്തെത്തി.

ചിദംബരം മണ്ഡലത്തിലെ എം.പിയാണ്​ തിരുമാവളവൻ. എം.പി കസേരയിലൂടെ നടക്കു​േമ്പാൾ വീഴാതിരിക്കാൻ അനുയായികൾ കസേര വലിച്ചിട്ട്​ കൊടുക്കുന്നത്​ വിഡിയോയിൽ കാണാം. പാർലമെന്‍റ്​ സമ്മേളനത്തിൽ പുറപ്പെടാൻ ന്യൂഡൽഹിയിലേക്ക്​ പോകാൻ ഒരുങ്ങുന്നതിനിടെയാണ്​ സംഭവം.

മാസങ്ങളായി തമിഴ്​നാട്ടിലെ വിവിധ ജില്ലകളിൽ മഴ നാശം വിതക്കുകയാണ്​. ചെന്നൈയും സമീപ ജില്ലകളും പ്രളയത്തിൽ മുങ്ങിയിരുന്നു. ഇതോടെ വി.സി.കെയുടെ ​േവളചേരി ഒാഫിസിലും​ വെള്ളം കയറി. മുഖ്യമന്ത്രി എം.കെ. സ്റ്റാലിൻ പ്രളയ ബാധിത പ്രദേശങ്ങൾ സന്ദർശിക്കു​േമ്പാൾ എം.പിയുടെ ഈ പ്രവൃത്തി വിവാദമാകുകയായിരുന്നു.