വരവര റാവുവിനെ കസ്​റ്റഡിയിലെടുത്തു

പുണെ: മാവോവാദി​ ബന്ധം ആരോപിക്കപ്പെട്ട തെലുഗ്​ കവിയും മനുഷ്യാവകാശ പ്രവർത്തകനുമായ വരവര റാവുവിനെ ഹൈദരാബാദിൽനിന്ന്​ പൊലീസ്​ കസ്​റ്റഡിയിലെടുത്തു. വീട്ടുതടങ്കൽ കാലാവധി കഴിഞ്ഞ ദിവസം അവസാനിച്ചതിനു പിന്നാലെയാണ്​ പുണെ പൊലീസെത്തി കസ്​റ്റഡിയിലെടുത്തത്​.

ഭീമ-കൊറെഗാവ്​ കേസുമായി ബന്ധപ്പെട്ട്​ രാജ്യത്തി​​​​െൻറ വിവിധ ഭാഗങ്ങളിൽനിന്ന്​ നിരവധി മനുഷ്യാവകാശ പ്രവർത്തകരെ കസ്​റ്റഡിയിലെടുത്തതിൽ വരവരറാവുവും ഉൾപ്പെട്ടിരുന്നു. എന്നാൽ, വിഷയത്തിൽ ഇടപെട്ട സുപ്രീംകോടതി ഇവരെ വീട്ടുതടങ്കലിൽ വിടണ​െമന്ന്​ നിർദേശിച്ചു. കോടതി നിർദേശിച്ച കാലാവധി അവസാനിച്ചതിനു പിന്നാലെയാണ്​ വീണ്ടും കസ്​റ്റഡിയിലെടുത്തത്​