മയൂർ ഷെൽക്കെ മാത്രമല്ല, ട്രാക്കിൽ വീണ കുട്ടിയെ രക്ഷിച്ചതിൽ ഈ​ ഹീറോയുമുണ്ട്​

മുംബൈ: റെയിൽവേ ട്രാക്കിൽ വീണുകിടക്കുന്ന കുട്ടിയുടെ സമീപത്തേക്ക്​ കുതിച്ചു പാഞ്ഞുവരുന്ന ട്രെയിൻ. ദൈവദൂതനെപ്പോലെ ഒാടിയെത്തി രക്ഷകനായ റെയിൽവേ ജീവനക്കാരൻ മയൂർ ഷെൽക്കെയും. സെക്കൻഡുകൾ പിഴച്ചിരുന്നെങ്കിൽ രണ്ടുജീവനുകൾ റെയിൽവേ പ്ലാറ്റ്​ഫോമിൽ നിശ്ചലമായേനെ. സെക്കൻഡുകളുടെ യഥാർഥ വില കാണിച്ചുതന്നതാക​ട്ടെ ട്രെയിൻ ഓടിച്ചിരുന്ന ലോകോ പൈലറ്റും.

മണിക്കൂറിൽ 110 കിലോമീറ്റർ വേഗതയിൽ പാഞ്ഞുവന്ന ട്രെയിനിനെ സഡൻ ​േബ്രക്കിട്ട്​ 85 കിലോമീറ്റർ വേഗതയിലേക്ക്​ കൊണ്ടുവരികയും രണ്ടുസെക്കൻഡ്​ വൈകിപ്പിക്കുകയും ചെയ്യുകയായിരുന്നു ലോകോ പൈലറ്റായ വിനോദ്​​ കുമാർ ജാൻഗിഡ്​. കുട്ടി റെയിൽവേ പ്ലാറ്റ്​ഫോമിലേക്ക്​ വീഴുന്നതും രക്ഷപ്പെടുത്താൻ മയൂർ ഓടിവരുന്നതും ശ്രദ്ധയിൽ​െപ്പട്ട വിനോദ്​ ഉദ്യാൻ എക്​സ്​പ്രസിന്‍റെ വേഗം കുറക്കുകയായിരുന്നു.

ഓരോ ​സെക്കൻഡിനും വിലയുണ്ടെന്ന്​ കാണിച്ചുനൽകിയ വിനോദിനും സാമൂഹികമാധ്യമങ്ങളിലടക്കം അഭിനന്ദപ്രവാഹമാണ്​.

'പുണെയിൽവെച്ചാണ്​ ഉദ്യാൻ എക്​സ്​പ്രസിന്‍റെ ലോക്കോപൈറ്റായി കയറുന്നത്​. ഒരു അസിസ്റ്റന്‍റ്​ ലോക്കോ പൈലറ്റുമുണ്ടായിരുന്നു. വാംഗനി സ്​റ്റേഷൻ പരിധിയിൽ ട്രെയിനിന്‍റെ വേഗത മണിക്കൂറിൽ 100-105 കിലോമീറ്ററായിരിക്കും. സ്​റ്റേഷനെത്തുന്നതിന്​ മുമ്പ്​ വലിയൊരു വളവുള്ളതിനാൽ സ്​റ്റേഷന്‍റെയും പ്ലാറ്റ്​ഫോമിന്‍റെയും ദൃശ്യങ്ങൾ പൂർണമായും കാണാനാകും. വാംഗനി സ്​റ്റേഷനിലെത്തുന്നതിന്​ മുമ്പ്​ അന്ധയായ യുവതി നടന്നുവരുന്നതും കുട്ടി വീഴുന്നതും സിഗ്​നൽ മാൻ ചുവന്ന കൊടി വീശുന്നതും വ്യക്തമായി കണ്ടു. സെക്കൻഡുകൾ താമസിയാതെ സഡൻ ​േബ്രക്കിടുകയായിരുന്നു. ട്രെയിനിന്​ നേരെ കുട്ടിയെ രക്ഷപ്പെടുത്താൻ പോയിന്‍റ്​മാൻ ഓടിവരുന്നതും കണ്ടിരുന്നു. അദ്ദേഹത്തിന്‍റെ ധീരത അംഗീകരിച്ച്​ നൽകണം, മറ്റാർക്കും അത്​ ചെയ്യാനാകില്ല' -വിനോദ്​ പറഞ്ഞു.

നീളവും വേഗതയും കണക്കാക്കു​േമ്പാൾ എത്ര സഡൻ ബ്രേക്കിട്ടാലും ട്രെയിൻ പിടിച്ചുനിർത്താൻ കഴിയില്ലെന്ന്​ ഞങ്ങൾക്കറിയാം. എന്നാൽ 110 കിലോമീറ്ററിൽനിന്ന്​ 85 ലേക്ക്​ എത്തിക്കാൻ കഴിഞ്ഞു. പ്ലാറ്റ്​ഫോം മുറിച്ചുകടക്കു​േമ്പാൾ 85 കിലോമീറ്റർ വേഗതയിലായിരുന്നു ട്രെയിൻ -അദ്ദേഹം കൂട്ടിച്ചേർത്തു.

യഥാർഥത്തിൽ സംഭവിച്ചതെന്താ​െണന്ന്​ കൺമുന്നിൽ കണ്ടതിനാൽ മയൂറിന്‍റെ ധൈര്യത്തെ അഭിനന്ദിക്കാതെ വയ്യെന്നും ​ലോക്കോ ​ൈപലറ്റ്​ പറഞ്ഞു.