വന്ദേ ഭാരത് നാഗർകോവിൽ വരെ നീട്ടണമെന്ന്

നാഗർകോവിൽ: പുതിയതായി സർവീസ് ആരംഭിക്കുന്ന ചെന്നൈ - തിരുനെൽവേലി വന്ദേ ഭാരത് ട്രെയിൻ നാഗർകോവിൽ വരെ നീട്ടണമെന്ന് കന്യാകുമാരി ലോക്സഭാംഗം വിജയ് വസന്ത് ആവശ്യപ്പെട്ടു. ദക്ഷിണ റെയിൽവെ പ്രിൻസിപ്പൽ ചീഫ് ഓപ്പറേഷൻ മാനേജർ എൻ. ശ്രീകുമാറിനെ സന്ദർശിച്ച് നിവേദനവും നൽകി.

ടൂറിസ്റ്റ് കേന്ദ്രമായ കന്യാകുമാരിയെ തലസ്ഥാനമായ വന്ദേ ഭാരത് ട്രെയിൻ മുഖേന ചെന്നൈയുമായി ബന്ധിപ്പിക്കുകയാണെങ്കിൽ വിനോദ സഞ്ചാരികൾക്കും, വിദ്യാർഥികൾക്കും ഉദ്യോഗസ്ഥർ ഉൾപ്പെടെ വിവിധ മേഖലകളിൽ പ്രവർത്തിക്കുന്നവർക്ക് ഗുണകരമായിരിക്കും.

ഹൈദരാബാദ് -ചെന്നൈ ചാർമിനാർ എക്സ്പ്രസും നാഗർകോവിൽ വരെ നീട്ടണമെന്നും എം.പി നിവേദനത്തിൽ ആവശ്യപ്പെട്ടു.