മാസ്​ക്​ കാൽ വിരലിൽ തൂക്കിയിട്ട്​ ഉത്തരാഖണ്ഡ്​ ബി.ജെ.പി മന്ത്രി; 'ശരിയായ മാതൃക'യെന്ന്​ വിമർശനം

ന്യൂഡൽഹി: കോവിഡ്​ മൂന്നാം തരംഗത്തെ നേരിടാനുള്ള മുന്നൊരുക്കത്തിലാണ്​ രാജ്യം. എന്നാൽ ജനങ്ങൾക്ക്​ മാതൃക​യാകേണ്ട മന്ത്രിമാർ തന്നെ കോവിഡ്​ പ്രതിരോധ മാർഗങ്ങളെ നിസ്സാരവൽക്കരിച്ചാലോ. ഒരു യോഗത്തിൽ മാസ്​ക്​​ കാലിന്‍റെ അപ്പ വിരലിൽ തൂക്കിയിട്ട്​ യോഗത്തിൽ പ​ങ്കെടുക്കുന്ന ഉത്തരാഖണ്ഡ്​ മന്ത്രി സ്വാമി യതീശ്വരനാഥിന്‍റെ ചിത്രമാണ്​ ഇപ്പോൾ വ്യാപകമായി പ്രചരിക്കു​ന്നത്​. ചിത്രം വൈറലായതിന്​ പിന്നാലെ മന്ത്രിക്കെതിരെ വ്യാപക വിമർശനമുയർന്നു.

ഉത്തരാഖണ്ഡിലെ ബി.ജെ.പി സർക്കാറിൽ അംഗമായ യതീശ്വരനാഥിനെ കൂടാതെ യോഗത്തിൽ പ​ങ്കെടു​ത്ത ഒരാൾ പോലും മാസ്​ക്​ ധരിച്ചിട്ടില്ല. മന്ത്രിമാരായ ബിഷൻ സിങ്​ ചുപാലും സുബോധ്​ ഉന്യാലുമടക്കം യോഗത്തിൽ പ​ങ്കെടുത്ത നാലുപേരും മാസ്​ക്​ ഇട്ടിട്ടില്ലില്ല.

'ഭരിക്കുന്ന പാർട്ടിയുടെ മന്ത്രിമാർ കാണിക്കുന്ന ഗൗരവം ഇതാണ്​. എന്നിട്ടവർ മാസ്​ക്​ ഇടാത്ത പാവപ്പെട്ട ജനങ്ങളെ ശിക്ഷിക്കുന്നു' -കോൺഗ്രസ്​ വക്താവ്​ ഗരിമ ദസൗനി ട്വീറ്റ്​ ചെയ്​തു. ലക്ഷങ്ങൾ കോവിഡ്​ ബാധിച്ച ്​ മരിക്കു​േമ്പാൾ മന്ത്രിമാർ നൽകുന്ന സന്ദേശം എന്താണെന്ന്​ അവർ ചോദിച്ചു.

'ശരിയായ രീതിയിൽ മാസ്​ക്​ ധരിക്കേണ്ട മാതൃക'- ഇങ്ങനെയായിരുന്നു മറ്റൊരു കോൺഗ്രസ്​ നേതാവായ പങ്കജ്​ പൂനിയ മന്ത്രിമാരെ കളിയാക്കിയത്​. കോവിഡ്​ പ്രതിരോധത്തിൽ വീഴ്ചകൾ വരുത്തിയതിന്​ മുമ്പും ഉത്തരാഖണ്ഡ്​ സർക്കാർ വിമർശനത്തിന്​ വിധേയമായിരുന്നു.