ഏക സിവിൽകോഡ്: ജനങ്ങളുടെ നിർദേശങ്ങൾ സ്വീകരിക്കാൻ വെബ്സൈറ്റുമായി ഉത്തരാഖണ്ഡ് സർക്കാർ

ഡെ​റാ​ഡൂ​ൺ: സം​സ്ഥാ​ന​ത്ത് ഏ​ക സി​വി​ൽ​കോ​ഡ് ന​ട​പ്പാ​ക്കാൻ ഉ​ത്ത​രാ​ഖ​ണ്ഡ് സ​ർ​ക്കാ​ർ രൂ​പ​വ​ത്ക​രി​ച്ച സ​മി​തി, പൊ​തു​ജ​ന​ങ്ങ​ളി​ൽ​നി​ന്ന് നി​ർ​ദേ​ശ​ങ്ങ​ളും പ്ര​തി​ക​ര​ണ​ങ്ങ​ളും സ്വീ​ക​രി​ക്കാ​ൻ വെ​ബ്സൈ​റ്റ് തു​റ​ന്നു. ഏ​കീ​കൃ​ത വ്യ​ക്തി​നി​യ​മ​ത്തി​ന്റെ ക​ര​ട് ത​യാ​റാ​ക്കാ​ൻ ജനങ്ങളുടെ സ​ഹ​ക​ര​ണം ആ​വ​ശ്യ​മു​ണ്ടെ​ന്നും ഇ​തി​നാ​യി ആരംഭിച്ച വെ​ബ്സൈ​റ്റ് വ​ഴി നി​ർ​ദേ​ശ​ങ്ങ​ളും ആ​ശ​ങ്ക​ക​ളും പ​രാ​തി​ക​ളും അ​റി​യി​ക്ക​ണ​മെ​ന്നും സ​മി​തി ത​ല​വ​നും സു​പ്രീം​കോ​ട​തി റി​ട്ട. ജ​ഡ്ജി​യു​മാ​യ ര​ഞ്ജ​ന​പ്ര​കാ​ശ് ദേ​ശാ​യി അ​റി​യി​ച്ചു.

ഒ​ക്ടോ​ബ​ർ ഏ​ഴി​ന​കം നി​ർ​ദേ​ശ​ങ്ങ​ൾ സ​മ​ർ​പ്പി​ക്കാ​നാ​ണ് ആ​വ​ശ്യ​പ്പെ​ട്ടി​രി​ക്കു​ന്ന​ത്. അ​തി​വേ​ഗ ന​ട​പ​ടി​ക​ളി​ലൂ​ടെ​യാ​ണ് സ​മി​തി പ്ര​വ​ർ​ത്തി​ക്കു​ന്ന​തെ​ങ്കി​ലും ഏ​ക സി​വി​ൽ കോ​ഡ് പോ​ലു​ള്ള വി​ഷ​യ​ങ്ങ​ളി​ൽ ക​ര​ട് ത​യാ​റാ​ക്കാ​ൻ സ​മ​യ​ക്ര​മം നി​ശ്ച​യി​ക്കു​ന്ന​ത് എ​ളു​പ്പ​മ​ല്ലെ​ന്നും ദേ​ശാ​യി പ​റ​ഞ്ഞു. വ്യ​ക്തി​നി​യ​മ​വു​മാ​യി ബ​ന്ധ​പ്പെ​ട്ട കാ​ര്യ​ത്തി​ൽ സ്ത്രീ​ക​ൾ സു​പ്ര​ധാ​ന​മാ​ണെ​ന്നും അ​തു​കൊ​ണ്ട് സ്ത്രീ​ക​ളു​ടെ പ​ങ്കാ​ളി​ത്തം അ​നി​വാ​ര്യ​മാ​ണെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു.

'വ്യ​ക്തി​പ​ര കാ​ര്യ​ങ്ങ​ളാ​യ വി​വാ​ഹം, വി​വാ​ഹ​മോ​ച​നം, ദ​ത്തെ​ടു​ക്ക​ൽ, പി​ന്തു​ട​ർ​ച്ചാ​വ​കാ​ശം, ജീ​വ​നാം​ശം തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട നി​ല​വി​ലെ വ്യ​ത്യ​സ്ത നി​യ​മ​ങ്ങ​ൾ പ​ഠി​ക്കു​ക​യും ഇ​വ ഭേ​ദ​ഗ​തി വ​രു​ത്തി ഏ​കീ​കൃ​ത രൂ​പം കൊ​ണ്ടു​വ​രാ​നാ​കു​മോ എ​ന്ന് പ​രി​ശോ​ധി​ക്കു​ക​യു​മാ​ണ് സ​മി​തി​യു​ടെ ചു​മ​ത​ല.' -സ​മി​തി​യം​ഗ​വും മു​ൻ ചീ​ഫ് സെ​ക്ര​ട്ട​റി​യു​മാ​യ ശ​ത്രു​ഘ്ന​ൻ സി​ങ് പ​റ​ഞ്ഞു.

ക​ര​ട് എ​പ്പോ​ൾ പു​റ​ത്തി​റ​ക്കു​മെ​ന്ന് പ​റ​യാ​നാ​കി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സം​സ്ഥാ​ന​ത്ത് ഏ​ക സി​വി​ൽ​കോ​ഡ് ന​ട​പ്പാ​ക്കു​മെ​ന്ന​ത് ത​ങ്ങ​ളു​ടെ തെ​ര​ഞ്ഞെ​ടു​പ്പ് വാ​ഗ്ദാ​ന​മാ​ണെ​ന്നും അ​തി​ൽ സ​ർ​ക്കാ​ർ പ്ര​തി​ജ്ഞാ​ബ​ദ്ധ​മാ​ണെ​ന്നും സ​മി​തി യോ​ഗ​ത്തി​നു​ശേ​ഷം മു​ഖ്യ​മ​ന്ത്രി പു​ഷ്ക​ർ സി​ങ് ധാ​മി പ​റ​ഞ്ഞു.