Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഉത്തരാഖണ്ഡിലും...

ഉത്തരാഖണ്ഡിലും ​മേഘവിസ്​ഫോടനം; കനത്തമഴയിൽ 16​ പേർ മരിച്ചതായി റിപ്പോർട്ട്​

text_fields
bookmark_border
Uttarakhand flood
cancel

ഡെറാഡൂൺ: കേരളത്തിന്​ പിന്നാ​ലെ ഉത്തരാഖണ്ഡിലും മേ​ഘവിസ്‌ഫോടനം. നഗരങ്ങളും റോഡുകളും പാലങ്ങളും വെള്ളത്തിനടിയിലായി​. 16 പേർ മരിച്ചതായാണ്​ ഔദ്യോഗിക റിപ്പോർട്ട്​. എന്നാൽ മരണ സംഖ്യ ഇനിയും വർദ്ധിക്കുമെന്നാണ്​ വിവരം.

നൈനിത്താളിലാണ് മേഘവിസ്‌ഫോടനം ഉണ്ടായത്. ഇതിന്​ പിന്നാലെ ഉണ്ടായ കനത്ത​ പേമാരിയിൽ വൻനാശനഷ്​ടമാണ് സംസ്ഥാനത്ത്​​ റിപ്പോർട്ട്​ ചെയ്​തിരിക്കുന്നത്​.പലയിടങ്ങളിലും ഉരുൾപൊട്ടലുണ്ടായി. പ്രധാന റോഡുകളിലെല്ലാം വെള്ളം കയറി. കൃഷിഭൂമികൾ മിക്കതും വെള്ളത്തിനടിയിലായിരിക്കുകയാണ്​. രക്ഷാപ്രവർത്തനത്തിനായി ആർമിയുടേയും എൻ.ഡി.ആർ.എഫി​േന്‍റയും സംഘങ്ങൾ ഉത്തരാഖണ്ഡിലേക്ക്​ എത്തിയിട്ടുണ്ട്​.

രാംനഗറിന്​ സമീപ​ത്തെ സ്വകാര്യ റിസോർട്ടിൽ 100 പേർ കുടുങ്ങി കിടക്കുന്നതായി ഉത്തരാഖാണ്ഡ് ഡി.ജി.പി അശോക് കുമാർ അറിയിച്ചു. അവർക്ക്​ വേണ്ടിയുള്ള രക്ഷാ പ്രവർത്തനം തുടങ്ങിയിട്ടുണ്ട്​. കേദാർനാഥിൽ 18ഓളം തീർഥാടകർ കുടുങ്ങിയെന്നും റിപ്പോർട്ടുണ്ട്​. ബദ്രിനാഥിലേക്കുള്ള ഹൈവേയിലൂടെയുള്ള ഗതാഗതം പൂർണമായും തടസപ്പെട്ടു.

സംസ്ഥാനത്ത്​ വ്യാഴാഴ്ച വരെ കനത്തമഴ തുടരുമെന്ന്​ ഉത്തരാഖണ്ഡ്​ സർക്കാർ അറിയിച്ചു. ഹെക്​ടർ കണക്കിന്​ ഭൂമിയിലെ കൃഷി നശിച്ചതായി കർഷകർ പറയുന്നു. മഴക്കെടുതിയിൽ അടിയന്തര ധനസഹായം പ്രഖ്യാപിക്കണമെന്നും കർഷകർ ആവശ്യപ്പെട്ടു.

Show Full Article
TAGS:Uttarakhand flood 
News Summary - Uttarakhand Flood Updates: 16 Killed Amid Heavy Rains
Next Story