ഉത്തരഖണ്ഡിൽ ബസ്​ കൊക്കയിലേക്ക്​ മറിഞ്ഞ്​ 14 മരണം

ന്യൂ തെഹ്​രി: ഉത്തരഖണ്ഡിലെ ​െതഹ്​രി ജില്ലയിൽ ബസ്​ കൊക്കയിലേക്ക്​ മറിഞ്ഞ്​ 14പേർ മരിച്ചു. 17പേർക്ക്​ പരിക്കുണ്ട്​.  ഋഷികേശ്​-ചാംബ-ഗംഗോത്രി പാതയിൽ ചാംബ നഗരത്തിൽനിന്ന്​ 15 കി.മീറ്റർ ദൂരത്ത്​ കിർഗാനിക്ക്​ സമീപമാണ്​ അപകട​െമന്ന്​  ജില്ല മജിസ്​ട്രേറ്റ്​  സോണിക പറഞ്ഞു. പരിക്കേറ്റ ആറുപേരെ ഹെലികോപ്ടറിൽ ഋഷികേശ്​ എയിംസിലേക്ക്​ മാറ്റി. മറ്റുള്ളവർ ജില്ല ആശുപത്രിയിൽ ചികിത്സയിലാണ്​. മരണപ്പെട്ടവരുടെ ആ​ശ്രിതർക്ക്​  രണ്ടുലക്ഷം രൂപ വീതവും പരിക്കേറ്റവർക്ക്​ 50,000 വീതവും മുഖ്യമന്ത്രി ത്രിവേ​ന്ദ്ര സിങ്​ റാവത്ത്​ സഹായം പ്രഖ്യാപിച്ചു.