You are here

ബാബരി ഭൂമി കേസ്​: യു.പി-നേപ്പാൾ അതിർത്തി അടച്ചു; കനത്ത സുരക്ഷ

10:29 AM
09/11/2019
babari-verdict

ലഖ്​നോ: ബാബരി ഭൂമി കേസിൽ വിധി വരാനിരിക്കെ ഉത്തർപ്രദേശ്​-നേപ്പാൾ അതിർത്തി അടച്ചു. മുഖ്യമ​ന്ത്രി യോഗി ആദിത്യനാഥിൻെറ അധ്യക്ഷതയിൽ വെള്ളിയാഴ്​ച രാത്രി ചേർന്ന യോഗത്തിലാണ്​ തീരുമാനം.

കൃത്യമായ ​തിരിച്ചറിയൽ രേഖകളില്ലാതെ ആരെയും അതിർത്തി പ്രദേശത്തേക്ക്​ കടക്കാൻ അനുവദിക്കില്ലെന്ന്​ അഡീഷണൽ ചീഫ്​ സെക്രട്ടറി അവനിഷ്​ അവസ്​തി പറഞ്ഞു. റെയിൽവേ സ്​റ്റേഷനുകളിൽ അതീവസുരക്ഷ ഏർപ്പെടുത്തിയിട്ടുണ്ട്​. യാത്രക്കാരുടെ സുരക്ഷക്ക്​ വേണ്ട നടപടികൾ സ്വീകരിച്ചിട്ടുണ്ടെന്നും അദ്ദേഹം പറഞ്ഞു.

അതേസമയം, ​അയോധ്യയിൽ കർശന സു​രക്ഷ തുടരുകയാണ്​. നഗരത്തിലെത്തുന്ന തീർഥാടകർക്കായി അധിക സുരക്ഷ ഏർപ്പെടുത്തിയിട്ടുണ്ടെന്നും സർക്കാർ അറിയിച്ചു. 12 കമീഷണർമാരെ​ സുരക്ഷ സംബന്ധിച്ച വിവരങ്ങൾ മുഖ്യമന്ത്രിയുടെ ഓഫീസിനെ അറിയിക്കാൻ ചുമതലപ്പെടുത്തിയിട്ടുണ്ട്​. 

Loading...
COMMENTS