ട്രംപിന്‍റെ അധികതീരുവ ഇന്ത്യൻ സമ്പദ് വ്യവസ്ഥയിൽ പ്രശ്നങ്ങൾ സൃഷ്ടിക്കും; അടിയന്തരപ്രമേയവുമായി ഷാഫി പറമ്പിൽ

ന്യൂഡൽഹി: ഇ​ന്ത്യ​ൻ ഉൽപന്നങ്ങൾക്ക് 25 ശ​ത​മാ​നം ഇറക്കുമതി തീ​രു​വ പ്ര​ഖ്യാ​പി​ച്ച അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പിന്‍റെ നടപടി ചർച്ച ചെയ്യണമെന്ന് ആവശ്യപ്പെട്ട് ലോക്സഭയിൽ ഷാഫി പറമ്പിലിന്‍റെ അടിയന്തര പ്രമേയം. അധികതീരുവയും പിഴയും ചുമത്തുക വഴി ഇന്ത്യൻ സാമ്പത്തികരംഗത്ത് സൃഷ്ടിക്കുന്ന അതീവ ഗുരുതരമായ പ്രശ്നങ്ങൾ പാർലമെന്‍റ് ചർച്ച ചെയ്യണമെന്നാണ് നോട്ടീസിൽ ആവശ്യപ്പെടുന്നത്.

വ്യ​പാ​ര ക​രാ​റി​ൽ അ​നി​ശ്ചി​ത​ത്വം തു​ട​ര​വെ, വെ​ള്ളി​യാ​ഴ്ച മു​ത​ൽ ഇ​ന്ത്യ​ൻ ഉൽപന്നങ്ങൾക്ക് 25 ശ​ത​മാ​നം ഇറക്കുമതി തീ​രു​വ അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പ് പ്ര​ഖ്യാ​പി​ച്ചത്. റ​ഷ്യ​യി​ൽ ​നി​ന്ന് എ​ണ്ണ​യും ആ​യു​ധ​ങ്ങ​ളും വാ​ങ്ങു​ന്ന​തി​നാ​ൽ അ​ധി​ക പി​ഴ​യു​മു​ണ്ടാ​കു​മെ​ന്ന് ട്രം​പ് പ്ര​ഖ്യാ​പി​ച്ചു. ഏ​പ്രി​ൽ ര​ണ്ടി​ന് പ്ര​ഖ്യാ​പി​ച്ച പ​ക​ര​ച്ചു​ങ്ക​ത്തി​ൽ ഇ​ന്ത്യ​ക്ക് 26 ശ​ത​മാ​നം തീ​രു​വ​യാ​ണ് ഏ​ർ​പ്പെ​ടു​ത്തി​യി​രു​ന്ന​ത്. അ​ടു​ത്ത സു​ഹൃ​ത്താ​ണെ​ങ്കി​ലും ഉ​യ​ർന്ന തീ​രു​വ കാ​ര​ണം വ​ർ​ഷ​ങ്ങ​ളാ​യി ഇ​ന്ത്യ​യു​മാ​യി അ​മേ​രി​ക്ക​ക്ക് കാ​ര്യ​മാ​യ വ്യാ​പാ​ര​മി​ല്ലെ​ന്ന് ട്രം​പ് പ​റ​ഞ്ഞു.

ലോ​ക​ത്ത് ഏ​റ്റ​വും കു​ടു​ത​ൽ തീ​രു​വ ഈ​ടാ​ക്കു​ന്ന രാ​ജ്യ​ങ്ങ​ളി​ലൊ​ന്നാ​ണ് ഇ​ന്ത്യ. തീ​രു​വ​ക്ക് പു​റ​മെ, നി​ര​വ​ധി വ്യാ​പാ​ര നി​യ​ന്ത്ര​ണ​ങ്ങ​ളും ഇ​ന്ത്യ ഏ​ർ​പ്പെ​ടു​ത്തി​യി​ട്ടു​ണ്ട്. യു​ക്രെ​യ്നി​ലെ ര​ക്ത​ച്ചൊ​രി​ച്ചി​ൽ അ​വ​സാ​നി​പ്പി​ക്ക​ണ​മെ​ന്ന് എ​ല്ലാ​വ​രും റ​ഷ്യ​യോ​ട് ആ​വ​ശ്യ​പ്പെ​ടു​മ്പോ​ൾ ത​ങ്ങ​ളു​ടെ സൈ​നി​കോ​പ​ക​ര​ണ​ങ്ങ​ളി​ൽ ഭൂ​രി​ഭാ​ഗ​വും റ​ഷ്യ​യി​ൽ​ നി​ന്ന് വാ​ങ്ങു​ക​യാ​ണ് ഇ​ന്ത്യ ചെ​യ്യു​ന്ന​ത്.

ചൈ​ന​ക്കൊ​പ്പം റ​ഷ്യ​യി​ൽ ​നി​ന്ന് ഏ​റ്റ​വു​മ​ധി​കം എ​ണ്ണ വാ​ങ്ങു​ന്ന രാ​ജ്യ​വു​മാ​ണ് ഇ​ന്ത്യ. അ​തി​നാ​ൽ, 25 ശ​ത​മാ​നം തീ​രു​വ​യും പു​റ​മെ പി​ഴ​യും ഏ​ർ​പ്പെ​ടു​ത്തു​ക​യാ​ണെ​ന്ന് ട്രം​പ് സമൂ​ഹ മാ​ധ്യ​മ​ത്തി​ലെ പോ​സ്റ്റി​ൽ പ​റ​ഞ്ഞു. വ്യാ​പാ​ര ക​രാ​റി​നു​ള്ള ച​ർ​ച്ച​ക​ൾ തീ​രു​മാ​ന​ത്തി​ലെ​ത്താ​തെ നീ​ളു​ന്ന​തി​നി​ടെ​യാ​ണ് ട്രം​പി​ന്‍റെ പ്ര​ഖ്യാ​പ​നം.

ഇ​തി​ന​കം അ​ഞ്ചു​വ​ട്ട ച​ർ​ച്ച​ക​ൾ ന​ട​ന്നു​ക​ഴി​ഞ്ഞു. അ​ടു​ത്ത​ഘ​ട്ട ച​ർ​ച്ച​ക്കാ​യി അ​മേ​രി​ക്ക​ൻ സം​ഘം ആ​ഗ​സ്റ്റ് 25ന് ​ഇ​ന്ത്യ​യി​ലെ​ത്തും. ഇ​ന്ത്യ​യു​ടെ ക്ഷീ​ര, കാ​ർ​ഷി​ക മേ​ഖ​ല​ക​ൾ അ​മേ​രി​ക്ക​ൻ ഉ​ൽ​പ​ന്ന​ങ്ങ​ൾ​ക്ക് തു​റ​ന്നു​ ന​ൽ​ക​ണ​മെ​ന്ന ആ​വ​ശ്യ​മാ​ണ് ച​ർ​ച്ച​യി​ൽ പ്ര​തി​സ​ന്ധി​യു​ണ്ടാ​ക്കു​ന്ന​ത്. ക​ർ​ഷ​ക​രെ പ്ര​തി​കൂ​ല​മാ​യി ബാ​ധി​ക്കു​ന്ന ആ​വ​ശ്യം ഇ​ന്ത്യ ഇ​തു​വ​രെ അം​ഗീ​ക​രി​ച്ചി​ട്ടി​ല്ല.