Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഉപയോഗിച്ച പി.പി.ഇ...

ഉപയോഗിച്ച പി.പി.ഇ കിറ്റുകളും മാസ്​കും വീണ്ടും വിൽക്കാനായി കഴുകുന്ന വിഡിയോ വൈറൽ

text_fields
bookmark_border
ppe kit mask washing reuse
cancel

ഭോപാൽ (മധ്യപ്രദേശ്​): കോവിഡ്​ മഹാമാരി രാജ്യത്ത്​ പിടിമുറുക്കിയതോടെ മാസ്​കും പി.പി.ഇ കിറ്റുമെല്ലാം ജനജീവിതത്തി​െൻറ ഭാഗമായി മാറിയിരിക്കുകയാണ്​. ജനങ്ങൾ മാസ്​ക്​ ധരിച്ച്​ മാത്രം പുറത്തിറങ്ങുന്നതിനായി അധികാരികൾ കടുത്ത നിയന്ത്രണങ്ങൾ നടപ്പാക്കിയിരിക്കുകയാണ്​. ഇത്തരം സാഹചര്യങ്ങൾ മുതലെടുത്ത്​ ചൂഷണങ്ങളും കബളിപ്പിക്കലും കൂടിയിട്ടുണ്ടെന്നുമാണ്​ അനുഭവങ്ങൾ തെളിയിക്കുന്നത്​.

അത്തരമൊരു സംഭവമാണ്​ മധ്യപ്രദേശിലെ സത്​നയിൽ നിന്ന്​ പുറത്ത്​ വന്നത്​. ഉപയോഗിച്ച മാസ്​കുകളും പി.പി.ഇ കിറ്റുകളും വിൽപനക്കായി കഴുകി വൃത്തിയാക്കുന്ന കാഴ്​ചയാണ്​ വൈറൽ വിഡി​േയായിലൂടെ പുറത്തായത്​.

ഒരാൾ ഉപയോഗിച്ച തുണിമാസ്​കും മറ്റും കഴുകി വൃത്തിയാക്കി വീണ്ടും ഉപയോഗിക്കാം. എന്നാൽ വിഡിയോയിൽ കാണുന്ന തരത്തിൽ മാസ്​കുകൾ കഴുകി വിറ്റാൽ ഇത്​ പിന്നീട്​ ഉപയോഗിക്കേണ്ടിയും വരുന്നയാളുടെ സുരക്ഷയുടെ കാര്യത്തിൽ യാതൊരു ഉറപ്പും നൽകാൻ സാധിക്കില്ല. വാർത്താ ഏജൻസിയായ എ.എൻ.ഐയാണ്​ ബഡ്​ഖേര ഗ്രാമത്തിൽ നിന്നുള്ള വിഡിയോ സമൂഹ മാധ്യമങ്ങളിൽ പങ്കുവെച്ചത്​.

നൂറുകണക്കിന്​ മാസ്​കുകളും പി.പി.ഇ കിറ്റുകള​ും കൈയ്യുറകളുമാണ്​ ഒരുപാട്​ ആളുകൾ ചേർന്ന്​ കഴുകി എടുക്കുന്നത്​. കഴുകി വൃത്തിയാക്കയവ കെട്ടുകളാക്കി പാക്ക്​ ചെയ്​ത്​ സൂക്ഷിച്ചത്​ വിഡിയോയിൽ കാണാം. സംഭവത്തിൽ അന്വേഷണം ആരംഭിച്ചിട്ടുണ്ടെന്നും റിപ്പോർട്ട്​ ലഭ്യമായ ശേഷം നടപടികൾ സ്വീകരിക്കു​െമന്നും അധികൃതർ അറിയിച്ചിട്ടുണ്ട്​.

വീഡിയോ സത്യമാണെങ്കിലും തെറ്റിദ്ധരിപ്പിക്കുന്ന രീതിയിലാണ് ഉപയോഗിക്കുന്നതെന്നാണ്​ സത്​ന കലക്​ടർ അജയ് കത്സരിയ മാധ്യമങ്ങളോട്​ വിശദീകരിച്ചത്​. 'ഒരു വർഷം പഴക്കമുള്ള വിഡിയോ ആണിത്​. അധികൃതർ നടത്തിയ പരിശോധനയിൽ തെറ്റായി ഒന്നും കണ്ടെത്തിയിട്ടില്ല. ഭോപ്പാലിലേക്ക് അയക്കുന്നതിന്​ മുമ്പ്​ കഴ​ുകുന്നതാണ്​ കണ്ടത്​'-കലക്​ടർ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madhya pradeshviral videomaskPPE kit
News Summary - used PPE kits masks 'washed for resale' in Madhya Pradesh video went viral
Next Story