Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമതസ്വാതന്ത്ര്യത്തിൽ...

മതസ്വാതന്ത്ര്യത്തിൽ ഇന്ത്യ സിറിയക്കും ഉത്തരകൊറിയക്കുമൊപ്പമെന്ന്​ യു.എസ്​ കമീഷൻ

text_fields
bookmark_border
മതസ്വാതന്ത്ര്യത്തിൽ ഇന്ത്യ സിറിയക്കും ഉത്തരകൊറിയക്കുമൊപ്പമെന്ന്​ യു.എസ്​ കമീഷൻ
cancel

ന്യൂഡൽഹി: ഇന്ത്യയിൽ ന്യൂനപക്ഷങ്ങൾക്കെതിരെ വംശീയ അതിക്രമങ്ങൾ തുടരുന്നതി​നിടെ മുന്നറിയിപ്പുമായി യു.എസ്​ കമീ ഷൻ. സർക്കാർ ഏജൻസിയായ യുനൈറ്റഡ്​ സ്​റ്റേറ്റ്​സ്​ കമീഷൻ ഓൺ ഇൻറർനാഷനൽ റിലീജിയസ്​ ഫ്രീഡം റിപ്പോർട്ടിൽ പാകിസ്​താ ൻ, ചൈന, ഉത്തരകൊറിയ, സിറിയ, മ്യാൻമർ, റഷ്യ എന്നിവയടക്കമുള്ള 14 രാജ്യങ്ങൾക്കൊപ്പമാണ്​ ഇന്ത്യയെ ഉൾപ്പെടുത്തിയിരിക ്കുന്നത്​.

പൗരത്വഭേദഗതി നിയമം ഇന്ത്യയിലെ സ്ഥിതി രൂക്ഷമാക്കിയെന്നും യു.എസ്​.സി.ഐ.ആർ.എഫ്​ കണ്ടെത്തിയിട്ടുണ ്ട്​. മതസഹിഷ്​ണുതയും മതസ്വാതന്ത്രവും ഉറപ്പുവരുത്തേണ്ട പ്രത്യേക രാജ്യങ്ങളുടെ കൂട്ടത്തിലാണ്​ ഇന്ത്യയെ കമീഷൻ ഉൾപ്പെടുത്തിയിരുന്നത്​. ഈ ഗണത്തിൽ 2004നു ശേഷം ആദ്യമായാണ്​​ ഇന്ത്യ ഉൾപ്പെടുന്നത്​.

ഇന്ത്യയിൽ മത ന്യൂനപക്ഷങ്ങൾക്കെതിരെ രാജ്യവ്യാപകമായി ആക്രമണങ്ങളും പീഡനങ്ങളും വർധിക്കുകയാണ്​. മതസ്വാതന്ത്രം തകർക്കുന്ന നടപടികളിൽ ഇന്ത്യയിലെ സർക്കാർ ഏജൻസികൾക്കും ഒൗദ്യോഗിക വൃത്തങ്ങൾക്കും ഉത്തരവാദിത്വമുണ്ട്​.

പാർലമ​​െൻറിൽ സ്വാധീനം വർധിപ്പിക്കാനായി രാജ്യത്തുടനീളം പ്രത്യേകിച്ചും മുസ്​ലിംകൾക്കെതിരെ മതസ്വാതന്ത്രം തകർക്കുന്ന തരത്തിലുള്ള നയങ്ങൾ ബി​.ജെ.പി കൈകൊണ്ടു. കുടിയേറ്റക്കാർക്കെതിരെയുള്ള കേന്ദ്ര ആഭ്യന്തരമന്ത്രി അമിത്​ ഷായുടെ വിദ്വേഷപരാമർശവും സി.എ.എ പ്രക്ഷോഭകാരികൾക്കു നേരെയുള്ള ഉത്തർപ്രദേശ്​ മുഖ്യമന്ത്രി യോഗി ആദിത്യനാഥിൻെറ ബിരിയാണിയല്ല, വെടിയുണ്ട കൊടുക്കുമെന്ന പ്രസ്​താവനയും റിപ്പോർട്ടിൽ പരാമർശിക്കുന്നുണ്ട്​.

ഫെബ്രുവരിയിൽ ഡൽഹിയിൽ അരങ്ങേറിയ മുസ്​ലിംകൾക്കെതിരെയുള്ള അതിക്രമം തടയുന്നതിൽ ഡൽഹി പൊലീസ്​ പരാജയപ്പെട്ടുവെന്നും പ്രത്യക്ഷമായി കലാപത്തിൽ പ​ങ്കെടുത്തുവെന്നും റിപ്പോർട്ട്​ ചൂണ്ടിക്കാട്ടുന്നു.

അതേസമയം യു.എസ്​.സി.ഐ.ആർ.എഫ്​ റിപ്പോർട്ട്​ ഇന്ത്യ തള്ളിക്കളഞ്ഞു. ‘‘കമീഷൻെറ കണ്ടെത്തലുകൾ ഇന്ത്യ തള്ളിക്കളയുന്നു, ഇത്​ പക്ഷപാതിത്വമുള്ളതാണ്​. പ്രത്യേക ഉദ്ദേശത്തോടെ ഇന്ത്യക്ക്​ നേരെ പരമാർശങ്ങം നടത്തുന്നത്​ പുതിയ സംഭവമല്ല. തെറ്റായ അവതരണത്തിൻെറ അങ്ങേയറ്റമാണ് ഇത്​​’’ -ഇന്ത്യൻ വിദേശകാര്യ വക്താവ്​ ​ അനുരാഗ്​ ശ്രീവാസ്​തവ പ്രതികരിച്ചു.

അന്താരാഷ്​ട്ര മതസ്വാതന്ത്ര നിയമത്തിൻെറ അടിസ്ഥാനത്തിൽ 1998ലാണ്​ അമേരിക്കൻ സർക്കാർ യു.എസ്​.സി.ഐ.ആർ.എഫിന്​ രൂപം കൊടുത്തത്​.

Show Full Article
TAGS:indian muslim USCIRF bjp 
Next Story