യു.എസ്​ പടക്കപ്പൽ സമുദ്രാതിർത്തി ലംഘിച്ചത്​ വെല്ലുവിളി -സി.പി.എം

ന്യൂഡൽഹി: അമേരിക്കൻ പടക്കപ്പൽ ലക്ഷദ്വീപിനു സമീപം ഇന്ത്യൻ സമുദ്രാതിർത്തി ലംഘിച്ച സംഭവം രാജ്യത്തി​െൻറ പരമാധികാരത്തിന്​ നേരയുള്ള കടുത്ത വെല്ലുവിളിയാണെന്ന്​ സി.പി.എം. ആത്​മാഭിമാനമുണ്ടെങ്കിൽ, രാജ്യത്തി​െൻറ പരമാധികാരത്തിന്​ വില നൽകുന്നുണ്ടെങ്കിൽ, ക്വാഡ്​ സഖ്യത്തിൽ നിന്ന്​ ഉടൻ മോദിസർക്കാർ പിന്മാറണമെന്ന്​ സി.പി.എം പോളിറ്റ്​ ബ്യൂറോ പ്രസ്​താവനയിൽ ആവശ്യപ്പെട്ടു.

അമേരിക്ക ഇരട്ടത്താപ്പാണ്​ കാണിക്കുന്നത്​. ഐക്യരാഷ്​ട്ര സഭ അംഗീകരിച്ച സമുദ്ര ഉടമ്പടിയിൽ അവർ ഒപ്പുവെച്ചിട്ടില്ല. ഇന്ത്യ ഒപ്പുവെച്ചിട്ടുമുണ്ട്​. എന്നാൽ അന്താരാഷ്​ട്ര നിയമത്തിന്​ അനുസൃതമായാണ്​ തങ്ങൾ പ്രവർത്തിച്ചതെന്നാണ്​ അമേരിക്കയുടെ വാദം. സമുദ്രത്തിൽ ഇന്ത്യ നടത്തുന്ന അമിതാവകാശ വാദം വെല്ലുവിളിക്കുകയാ​ണ്​ ചെയ്​തതെന്ന്​ ഏഴാം കപ്പൽപട ഔദ്യോഗിക പ്രസ്​താവനയിൽ വ്യക്​തമാക്കിയിട്ടുണ്ട്​.

അമേരിക്കയുടെ ചെയ്​തിയോട്​ മൃദുവായ പ്രതികരണം മാത്രമാണ്​ മോദിസർക്കാർ നടത്തിയത്​. ഇന്ത്യയുടെ തനത്​ സാമ്പത്തിക മേഖലയിൽ കൂടി പടക്കപ്പലുകൾ കടന്നു പോകാൻ മുൻകൂട്ടി അനുമതി വേണമെന്നു മാത്രമാണ്​ വാദം. എന്നാൽ അത്​ അമേരിക്ക അംഗീകരിക്കുന്നില്ല.

ഏഷ്യൻ മേഖലയിൽ അമേരിക്കയുടെ നേതൃത്വത്തിൽ രൂപം നൽകിയ 'ക്വാഡ്​' സഖ്യത്തിൽ ഇന്ത്യയെ പങ്കാളിയാക്കിയ മോദി സർക്കാർ, അമേരിക്കൻ താൽപര്യങ്ങൾ നടപ്പാക്കാൻ ബാധ്യസ്​ഥമാണ്​. ഇന്ത്യ-പസഫിക്​ മേഖലയിൽ സ്വതന്ത്ര കപ്പൽ യാത്രയെന്ന അമേരിക്കയു​ടെ താൽപര്യം അംഗീകരിച്ചു മ​ുന്നോട്ടു പോവുകയാണ്​ ചെയ്യുന്നത്​. അമേരിക്കക്ക്​ കീഴിലുള്ള നാട്ടുരാജ്യമെന്ന മട്ടിലാണ്​ ഇന്ത്യയോട്​ യു.എസ്​ സേന പെരുമാറുന്നത്​. ഏഴാം കപ്പൽപട നൽകുന്ന സന്ദേശവും അതു തന്നെ -പോളിറ്റ്​ ബ്യൂറോ പ്രസ്​താവനയിൽ ചൂണ്ടിക്കാട്ടി.