ദോക്​ലാമിൽ തൽസ്ഥിതി തുടരണമെന്ന്​ യു.എസ്​

വാഷിങ്​ടൺ: ഇന്ത്യയും ചൈനയും തമ്മിൽ തർക്കം നില നിൽക്കുന്ന ദോക്​ലാമിൽ തൽസ്ഥിതി തുടരണമെന്ന്​ യു.എസ്​. അമേരിക്കൻ പ്രസിഡൻറ്​ ഡോണാൾഡ്​ ട്രംപി​​െൻറ അടുത്ത വൃത്തങ്ങളാണ്​ ഇക്കാര്യത്തിൽ നിലപാടറിയിച്ചതെന്ന്​ വാർത്ത എജൻസി റിപ്പോർട്ട്​ ചെയ്​തു​.

പരമാധികാരം അന്താരാഷ്​​്ട്ര നിയമങ്ങൾ എന്നിവയെല്ലാം ദോക്​ലാം വിഷയത്തിൽ പാലിക്കണമെന്നാണ്​ അമേരിക്കയുടെ ആവശ്യം. ദോക്​ക്​ലാം വിഷയം സൂക്ഷ്​മമായി നിരീക്ഷിക്കുകയാണ്​. ഇരുപക്ഷവും വിട്ടു വീഴ്​ചക്ക്​ തയാറായി സമാധാനം പുന:സ്ഥാപിക്കണം. ദോക്​​ലാമിൽ തൽസ്ഥിതി തുടരുന്നതിനെയാണ്​ പിന്തുണക്കുന്നതെന്നും അമേരിക്ക വ്യക്​തമാക്കി .

അതേ സമയം, ഭൂട്ടാ​​െൻറ പരമാധികാരവും അന്താരാഷ്​​ട്ര നിയമങ്ങളും ദോക്​ലാം വിഷയത്തിൽ പാലിക്കണമെന്നും അമേരിക്ക ആവശ്യപ്പെട്ടു. ദോക്​ലാം വിഷത്തിൽ ഇതാദ്യമായാണ്​ അമേരിക്ക അമേരിക്ക പ്രതികരണം നടത്തുന്നത്​.